ಜವಾಲ್ ಯಶಸ್ಸಿನ ನಂತರ ಬಾಲಿವುಡ್ ಬಾದ್ ಷಾ ಶಾರೂಖ್ ಮತ್ತು ಪುತ್ರಿ ಸುಹಾನಾ ಖಾನ್ ಮೊದಲ ಬಾರಿ ಜೊತೆಯಾಗಿ ನಟಿಸಲಿರುವ ಕಿಂಗ್ ಚಿತ್ರಕ್ಕೆ ತಮಿಳಿನ ಅನಿರುದ್ಧ್ ರವಿಚಂದ್ರನ್ ಸಂಗೀತ ನೀಡಲಿದ್ದಾರೆ.
ಶಾರೂಖ್ ಖಾನ್ ಮತ್ತು ಪುತ್ರಿ ಸುಹಾನಾ ಖಾನ್ ಮೊದಲ ಬಾರಿಗೆ ಜೊತೆಯಾಗಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಕಿಂಗ್ ಹೆಸರಿನ ಈ ಚಿತ್ರಕ್ಕೆ ಅನಿರುದ್ಧ್ ಸಂಗೀತ ನೀಡಲಿದ್ದಾರೆ. ಈಗಾಗಲೇ ಚಿತ್ರದ ಟೈಟಲ್ ಗೆ ಸಂಗೀತ ಸಂಯೋಜಿಸಿದ್ದಾರೆ ಎನ್ನಲಾಗಿದೆ.
ಶಾರೂಖ್ ಖಾನ್ ಪುತ್ರಿ ಸಹಾನಾ ಖಾನ್ ಈ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಲಿದ್ದಾರೆ. ಸಿದ್ಧಾರ್ಥ್ ಆನಂದ್ ಮತ್ತು ಸುಜಯ್ ಘೋಷ್ ಜಂಟಿ ನಿರ್ದೇಶನದ ಈ ಚಿತ್ರ ವಿಶೇಷ ರೀತಿಯ ಸಾಹಸ ಒಳಗೊಂಡಿದ್ದು, ಹಿನ್ನೆಲೆ ಸಂಗೀತ ಪ್ರಮುಖವಾಗಿದೆ ಎಂಬ ಕಾರಣಕ್ಕೆ ಅನಿರುದ್ಧ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.
ಜವಾನ್ ಚಿತ್ರದಲ್ಲಿ ಅನಿರುದ್ಧ್ ಕೆಲಸ ನೋಡಿದ್ದ ಶಾರೂಖ್ ಖಾನ್, ಕಿಂಗ್ ಚಿತ್ರಕ್ಕೂ ಹಿನ್ನೆಲೆ ಸಂಗೀತ ನೀಡಲು ಅನಿರುದ್ಧ್ ಅವರನ್ನು ಆಯ್ಕೆ ಮಾಡಿದ್ದು, ಹಾಡಿಗೂ ಸಂಗೀತ ನೀಡುತ್ತಾರೆಯೇ ಎಂಬುದು ತಿಳಿದು ಬಂದಿಲ್ಲ.
