ಭಾರತ ನೌಕಾಪಡೆಯ ಜಲಂತಾರ್ಗಾಮಿ ಹಡಗು ಡಿಕ್ಕಿ ಹೊಡೆದ ಪರಿಣಾಮ ಮೀನುಗಾರಿಕಾ ದೋಣಿ ಮಗುಚಿಕೊಂಡಿದ್ದು, ಇಬ್ಬರು ಮೀನುಗಾರರು ನಾಪತ್ತೆಯಾಗಿರುವ ಘಟನೆ ಗೋವಾ ಕಡಲತೀರದಲ್ಲಿ ಸಂಭವಿಸಿದೆ.
13 ಸಿಬ್ಬಂದಿ ಇದ್ದ ಮೀನುಗಾರಿಕಾ ದೋಣಿಗೆ ಜಲಂತರ್ಗಾಮಿ ಹಡುಗು ಡಿಕ್ಕಿ ಹೊಡೆದಿದ್ದು, 11 ಮಂದಿಯನ್ನು ರಕ್ಷಿಸಲಾಗಿದ್ದು, ಇಬ್ಬರು ನಾಪತ್ತೆಯಾಗಿದ್ದಾರೆ.
ಸಮುದ್ರದಲ್ಲಿ ನಡೆದ ಅಪಘಾತ ಪ್ರಕರಣ ವರದಿಯಾಗುತ್ತಿದ್ದಂತೆ ನೌಕಾಪಡೆಯ 6 ದೋಣಿಗಳು ಹಾಗೂ ಒಂದು ಹೆಲಿಕಾಫ್ಟರ್ ಸಹಾಯದಿಂದ ರಕ್ಷಣಾ ಕಾರ್ಯಕ್ಕೆ ಕೂಡಲೇ ಧಾವಿಸಿವೆ.
ಗೋವಾ ಕಡಲತೀರದಿಂದ 70 ನಾಟಿಕಲ್ ಮೈಲು ದೂರದಲ್ಲಿ ಈ ಅಪಘಾತ ಸಂಭವಿಸಿದ್ದು, ಗೋವಾದ ಮರ್ತೊಮಾ ಎಂಬ ಹಡಗು ಮುಳುಗಡೆ ಆಗಿದೆ ಎಂದು ಪ್ರಾಥಮಿಕ ಮಾಹಿತಿ ತಿಳಿಸಿದೆ.
