ಖೈಬರ್ ಪಖ್ತುಂಖ್ವಾ ಪ್ರದೇಶದ ಮೇಲೆ ಪಾಕಿಸ್ತಾನ ವಾಯುಪಡೆ ದಾಳಿ ನಡೆಸಿ 8 ಬಾಂಬ್ ಎಸೆದ ಪರಿಣಾಮ 30 ಮಂದಿ ಅಸುನೀಗಿದ್ದಾರೆ.
ತಿರಾಹ್ ಕಣಿವೆಯಲ್ಲಿರುವ ಖೈಬರ್ ಪಖ್ತುಂಖ್ವಾ ಪ್ರದೇಶದ ಗ್ರಾಮದ ಮೇಲೆ ಸೋಮವಾರ ಮುಂಜಾನೆ 2 ಗಂಟೆ ಸುಮಾರಿಗೆ. ಪಾಕಿಸ್ತಾನದ ವಾಯುಪಡೆ ಯುದ್ಧ ವಿಮಾನಗಳು 8 ಎಲ್ ಎಸ್-6 ಬಾಂಬ್ ಗಳನ್ನು ಹಾಕಿದೆ.
ಬಾಂಬ್ ದಾಳಿಯಲ್ಲಿ ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ 30 ಮಂದಿ ಮೃತಪಟ್ಟಿದ್ದು, ಹಲವಾರು ಮಂದಿ ಗಾಯಗೊಂಡಿದ್ದಾರೆ. ಮೃತಪಟ್ಟವರೆಲ್ಲರೂ ನಾಗರಿಕರು ಎಂದು ಹೇಳಲಾಗಿದೆ.
ಉಗ್ರರ ಚಟುವಟಿಕೆಗಳನ್ನು ಹತ್ತಿಕ್ಕಲು ಈ ಪ್ರದೇಶದಲ್ಲಿ ಪಾಕಿಸ್ಥಾನ ನಡೆಸಿದ ಇತ್ತೀಚಿನದ ದಾಳಿಯಲ್ಲಿ ಅತೀ ದೊಡ್ಡದು ಎಂದು ಹೇಳಲಾಗಿದ್ದು, ನಾಗರಿಕರು ಮೃತಪಟ್ಟ ಭೀಕರ ದೃಶ್ಯಗಳು ವೈರಲ್ ಆಗಿವೆ.
