ಸಿಕಂದರಾಬಾದ್ -ಶಾಲಿಮಾರ್ ಸೂಪರ್ ಎಕ್ಸ್ ಪ್ರೆಸ್ ರೈಲಿನ ಮೂರು ಬೋಗಿಗಳು ಹಳಿ ತಪ್ಪಿದ ಘಟನೆ ಪಶ್ಚಿಮ ಬಂಗಾಳದ ಹೌರಾ ಜಿಲ್ಲೆಯಲ್ಲಿ ಶನಿವಾರ ಮುಂಜಾನೆ ಸಂಭವಿಸಿದೆ.
ವಾರಕ್ಕೊಮ್ಮೆ ಮಾತ್ರ ಸೇವೆಗೆ ಲಭ್ಯವಿರುವ ಸಿಕಂದರಾಬಾದ್ -ಶಾಲಿಮಾರ್ ಸೂಪರ್ ಎಕ್ಸ್ ಪ್ರೆಸ್ ರೈಲು ಕೋಲ್ಕತಾದಿಂದ 40 ಕಿ.ಮೀ. ದೂರದ ನಲ್ಪುರ್ ನಲ್ಲಿ ಹಳಿ ತಪ್ಪಿದ್ದು, ಪ್ರಯಾಣಿಕರಿಗೆ ಯಾವುದೇ ತೊಂದರೆ ಆಗಿಲ್ಲ ಎಂದು ತಿಳಿದು ಬಂದಿದೆ.
ನಲ್ಪುರ್ ಬಳಿಯ ಖಾರಗ್ ಪುರ್ ನಲ್ಲಿ ಮುಂಜಾನೆ 5.31ರ ಸುಮಾರಿಗೆ ರೈಲಿನ ಪಾರ್ಸೆಲ್ ವ್ಯಾನ್ ಮತ್ತು 2 ಬೋಗಿಗಳು ಹಳಿ ತಪ್ಪಿವೆ. ರೈಲು ಹಳಿ ಬದಲಿಸುವ ವೇಳೆ ಈ ಘಟನೆ ಸಂಭವಿಸಿದ್ದು, ಘಟನಾ ಸ್ಥಳಕ್ಕೆ ಹಿರಿಯ ಅಧಿಕಾರಿಗಳು ಭೇಟಿ ನೀಡಿದ್ದಾರೆ.
