ಜಗತ್ತನ್ನೇ ತಲ್ಲಣಗೊಳಿಸಿದ ಮಹಾಮಾರಿ ಕೊರೊನಾ ವೈರಸ್ ಮಾದರಿ ಮತ್ತೊಂದು ವೈರಸ್ ಚೀನಾದಲ್ಲಿ ಪತ್ತೆಯಾಗಿದ್ದು, ಬಾವುಲಿಯಿಂದ ಮನುಷ್ಯರಿಗೆ ಕೊರೊನಾ ಮಾದರಿಯೇ ಹರಡಲಿದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.
ಬಾವುಲಿಯಿಂದ ಮನುಷ್ಯರಿಗೆ ಕೊರೊನಾ ಮಾದರಿಯೇ ಹರಡುತ್ತದೆ ಎಂದು ಸ್ವತಃ ಚೀನಾದ ವೈರಸ್ ತಜ್ಞರ ತಂಡ ಹೇಳಿದೆ. ಕೊರೊನಾ ವೈರಸ್ ಪತ್ತೆಯಾದ ವಿವಾದಾತ್ಮಕ ಚೀನಾದ ವುಹಾನ್ ಲ್ಯಾಬ್ ನಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ವೈರಸ್ ತಜ್ಞರ ತಂಡದ ಮುಖ್ಯಸ್ಥ ಶಿ ಶೆಂಗ್ಲಿ ಹೊಸ ವೈರಸ್ ಬಗ್ಗೆ ಎಚ್ಚರಿಕೆ ವಹಿಸುವಂತೆ ಮನವಿ ಮಾಡಿದ್ದಾರೆ.
ವುಹಾನ್ ಲ್ಯಾಬ್ ನಲ್ಲಿ ಕೊರೊನಾ ವೈರಸ್ ಮೊದಲ ಬಾರ ಪತ್ತೆಯಾಗಿದ್ದನ್ನು ಎಲ್ಲಾ ವರದಿಗಳು ಹೇಳಿದರೂ ಚೀನಾ ಈ ವರದಿಗಳನ್ನು ನಿರಾಕರಿಸಿತ್ತು. ಆದರೆ ಇದೇ ಅವಧಿಯಲ್ಲಿ ಕೆಲಸ ಮಾಡುತ್ತಿದ್ದ ಶಿ ಶೆಂಗ್ಲಿ ಇದೀಗ ಹೊಸ ವೈರಸ್ ಪತ್ತೆಯಾಗಿರುವುದನ್ನು ದೃಢಪಡಿಸಿದ್ದಾರೆ.
ಹೊಸ ವೈರಸ್ ಗೆ ಎಚ್ ಕೆಯು ೫ ಎಂದು ಹೆಸರಿಡಲಾಗಿದ್ದು, ಇದು ಜಪಾನ್ ನ ಹಾಂಕಾಂಗ್ ಬಳಿ ಪತ್ತೆಯಾದ ಬಾವುಲಿಯಲ್ಲಿ ಪತ್ತೆಯಾಗಿದೆ. ಈ ವೈರಲ್ ಮಾನವನ ದೇಹದಲ್ಲಿ ಕೊರೊನಾ ಮಾದರಿ ಹೊಂದಿಕೊಳ್ಳುವ ಶಕ್ತಿ ಹೊಂದಿದ್ದು, ದೇಹದ ಪ್ರೊಟಿನ್ ಗಳನ್ನು ತಿಂದು ಹಾಕುತ್ತವೆ ಎಂದು ಶಿ ವಿವರಿಸಿದ್ದಾರೆ.
