ಏರ್ ಶೋ ವೇಳೆ ಎರಡು ಮಿನಿ ವಿಮಾನಗಳು ಡಿಕ್ಕಿ ಹೊಡೆದ ಪರಿಣಾಮ ಪೈಲೆಟ್ ಮೃತಪಟ್ಟ ಘಟನೆ ಪೋರ್ಚುಗಲ್ ನಲ್ಲಿ ಭಾನುವಾರ ಸಂಭವಿಸಿದೆ.
ಉತ್ತರ ಪೋರ್ಚುಗಲ್ ನಲ್ಲಿ ಭಾನುವಾರ ನಡೆದ ಬೆಜಾ ಏರ್ ಶೋ ವೇಳೆ ಸಂಜೆ 4.05ರ ಸುಮಾರಿಗೆ ಈ ದುರ್ಘಟನೆ ಸಂಭವಿಸಿದೆ ಎಂದು ವಾಯುಪಡೆ ಘೋಷಿಸಿದೆ.
6 ವಿಮಾನಗಳು ಪ್ರದರ್ಶನ ನೀಡುತ್ತಿದ್ದಾಗ ಆಕಾಶದಲ್ಲಿ ಎರಡು ವಿಮಾನಗಳು ಡಿಕ್ಕಿ ಹೊಡೆದಿದ್ದು, ಈ ಭೀಕರ ದೃಶ್ಯ ವೀಡಿಯೊದಲ್ಲಿ ಸೆರೆಯಾಗಿದೆ.
ಸೋವಿಯತ್ ಅವಧಿಯಲ್ಲಿ ನಿರ್ಮಾಣವಾದ ಯಕೊವ್ಲೆವ್ ವ್ಯಾಕ್-52 ವಿಮಾನ ತರಬೇತಿ ಉದ್ದೇಶಕ್ಕಾಗಿ ಬಳಸುತ್ತಿದ್ದು, ಈ ವಿಮಾನಗಳು ಪ್ರದರ್ಶನ ನೀಡುತ್ತಿದ್ದಾಗ ಸಂಭವಿಸಿದ ದುರ್ಘಟನೆಯಲ್ಲಿ ಒಬ್ಬ ಪೈಲೆಟ್ ಮೃತಪಟ್ಟಿದ್ದಾನೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
