ವಿಧು ವಿನೋದ್ ಚೋಪ್ರಾ ನಿರ್ದೇಶಿಸಿದ ’12th Fail ಚಿತ್ರ ಥಿಯೇಟರ್ ಗಳಲ್ಲಿ 25 ವಾರಗಳ ಪ್ರದರ್ಶನ ಕಂಡಿದೆ. ಈ ಮೂಲಕ ಬಾಲಿವುಡ್ ಚಿತ್ರವೊಂದು 25 ವರ್ಷಗಳಲ್ಲಿ ಈ ಸಾಧನೆ ಮಾಡಿದ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಒಂದು ಕಾಲದಲ್ಲಿ 25 ವಾರಗಳ ಪ್ರದರ್ಶನ ಕಾಣುವ ಚಿತ್ರಗಳ ಸಂಖ್ಯೆ ಇತ್ತು. ಅದರಲ್ಲೂ ವರ್ಷದಲ್ಲಿ ಒಂದೆರಡು ಚಿತ್ರಗಳು ಈ ಸಾಧನೆ ಮಾಡುತ್ತಿದ್ದವು. ಆದರೆ ಬದಲಾದ ಪರಿಸ್ಥಿತಿಯಲ್ಲಿ ಯಾವುದೇ ಚಿತ್ರಗಳು 25 ವಾರ ಪ್ರದರ್ಶನ ಕಂಡು ಸಿಲ್ವರ್ ಜ್ಯೂಬಿಲಿ ಆಚರಿಸಿದ ಚಿತ್ರಗಳೇ ಇಲ್ಲ.
ವಿಧು ವಿನೋದ್ ಚೋಪ್ರಾ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಈ ವಿಷಯ ಹಂಚಿಕೊಂಡಿದ್ದು, ಒಳ್ಳೆಯ ಚಿತ್ರಗಳಿಗೆ ಈಗಲೂ ಜನಮನ್ನಣೆ ಇದೆ ಎಂಬುದನ್ನು ಈ ಚಿತ್ರ ತೋರಿಸಿದೆ ಎಂದು ಹೇಳಿಕೊಂಡಿದ್ದಾರೆ.
