ಬೈಕ್ ಮೇಲೆ ಲಾರಿ ಹರಿಸಿದ ಚಾಲಕ, ಲಾರಿ ಮೇಲೇರಿ ಪಾರಾದ ಚಾಲಕ: ವೀಡಿಯೋ ವೈರಲ್!

ಲಾರಿ ಚಾಲಕನೊಬ್ಬ ಬೈಕ್ ಮೇಲೆ ಕಾರು ಹರಿಸಿ ಹಲವು ಕಿ.ಮೀ. ದೂರದವರೆಗೆ ಎಳೆದೊಯ್ದರೆ, ಬೈಕ್ ಸವಾರ ಲಾರಿಯ ಚಕ್ರದ ಬಳಿಯೇ ನಿಂತು ಪಾರಾದ ಆಘಾತಕಾರಿ ಘಟನೆಯ ವೀಡಿಯೋ ವೈರಲ್ ಆಗಿದೆ.

ಹೈದರಾಬಾದ್ ನಲ್ಲಿ ಈ ಘಟನೆ ನಡೆದಿದ್ದು, 10 ಚಕ್ರಗಳ ದೊಡ್ಡ ಲಾರಿ ಮುಂದಿನ ಚಕ್ರಕ್ಕೆ ಸಿಲುಕಿದ ಬೈಕ್ ಅನ್ನು ಎಳೆದೊಯ್ದಿದ್ದು, ಬೆಂಕಿ ಕಾಣಿಸಿಕೊಂಡಿದೆ.

ಅಪಘಾತದ ವೇಳೆ ಲಾರಿಯ ಬಾಗಿಲ ಬಳಿಯ ಮೆಟ್ಟಿಲ ಮೇಲೆ ನಿಂತ ಬೈಕ್ ಸವಾರ ಕೂಗಿಕೊಳ್ಳುತ್ತಿದ್ದರೂ ಲಾರಿ ಅದೇ ವೇಗದಲ್ಲಿ ಸಾಗಿದೆ. ಮೂಲಗಳ ಪ್ರಕಾರ ಬೈಕ್ ಸವಾರ ಪಾರಾಗಿದ್ದಾನೆ ಎನ್ನಲಾಗಿದೆ.

ಲಾರಿ ಅದೇ ದಿನ ಮತ್ತೊಂದು ಇದೇ ರೀತಿಯ ಅಪಘಾತ ನಡೆಸಿ ಪರಾರಿಯಾಗಿರುವ ವರದಿ ಪೊಲೀಸರಿಗೆ ಸಿಕ್ಕಿದ್ದು , ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸಿದ್ದಾರೆ.