ಭಾರತದ ನಿಶಾದ್ ಕುಮಾರ್ ಪ್ಯಾರಿಸ್ ನಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್ ನಲ್ಲಿ ಬೆಳ್ಳಿ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ.
ಭಾನುವಾರ ನಡೆದ ಪುರುಷರ ಟಿ 47 ಹೈಜಂಪ್ ಸ್ಪರ್ಧೆಯಲ್ಲಿ ಎರಡನೇ ಸ್ಥಾನ ಪಡೆದು ಬೆಳ್ಳಿ ಪದಕ ಗೆದ್ದರು. ಈ ಮೂಲಕ ಟ್ರ್ಯಾಕ್ ಅಂಡ್ ಫೀಲ್ಡ್ ನಲ್ಲಿ ಭಾರತ 3 ಪದಕ ಗೆದ್ದ ಸಾಧನೆ ಮಾಡಿತು.
ಇದಕ್ಕೂ ಮುನ್ನ ಪ್ರೀತಿ ಪಾಲ್ 100 ಮೀ. ಮತ್ತು 200 ಮೀ. ಓಟದ ಸ್ಪರ್ಧೆಯಲ್ಲಿ 2 ಕಂಚಿನ ಪದಕ ಗೆದ್ದ ಸಾಧನೆ ಮಾಡಿದರು. ಇದರೊಂದಿಗೆ ಭಾರತದ ಪದಕದ ಬೇಟೆ 8ಕ್ಕೇರಿದ್ದು, ಬ್ಯಾಡ್ಮಿಂಟನ್ ವಿಭಾಗದಲ್ಲಿ ಕನಿಷ್ಠ 2 ಬೆಳ್ಳಿ ಪದಕ ಖಚಿತಗೊಂಡಿವೆ.
ಟೊಕಿಯೊ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ನಿಶಾದ್ ಈ ಬಾರಿಯೂ 2.04 ಮೀ. ಜಿಗಿದು ಬೆಳ್ಳಿ ಪದಕಕ್ಕೆ ಕೊರಳೋಡ್ಡಿದರು.
ಅಮೆರಿಕದ ರೋಡ್ರಿಕ್ ಟೌನ್ ಸೆಂಡ್ ಚಿನ್ನದ ಪದಕ ಉಳಿಸಿಕೊಂಡರು. 2.16 ಮೀ. ಎತ್ತರ ಜಿಗಿದು ವಿಶ್ವದಾಖಲೆ ಪ್ರಯತ್ನ ಮಾಡಿದ್ದಾರೆ.
