ಬೆಂಗಳೂರು: ಡಿಸೆಂಬರ್ 15ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) 2025ರ ಹರಾಜಿನಲ್ಲಿ 120 ಆಟಗಾರ್ತಿಯರು ಹರಾಜಿಗೆ ಒಳಗಾಗಲಿದ್ದಾರೆ.
ಭಾರತೀಯ ಕಾಲಮಾನ ಮಧ್ಯಾಹ್ನ 3 ಗಂಟೆಯಿಂದ ಹರಾಜು ನಡೆಯಲಿದೆ. ಅಸೋಸಿಯೇಟ್ ರಾಷ್ಟ್ರಗಳ 3 ಆಟಗಾರರು ಸೇರಿದಂತೆ 91 ಭಾರತೀಯರು, 29 ವಿದೇಶಿ ಆಟಗಾರರ ಹರಾಜು ನಡೆಯಲಿದೆ.
9 ಕ್ಯಾಪ್ಡ್ ಭಾರತೀಯರು, 21 ವಿದೇಶಿ ಆಟಗಾರ್ತಿಯರು, 82 ಅನ್ ಕ್ಯಾಪ್ಡ್ ಭಾರತೀಯರು ಮತ್ತು 8 ಅನ್ ಕ್ಯಾಪ್ಡ್ ವಿದೇಶಿ ಆಟಗಾರರು ಹರಾಜಿನಲ್ಲಿ ತಮ್ಮ ಅದೃಷ್ಟವನ್ನು ಪರೀಕ್ಷಿಸಲಿದ್ದಾರೆ. ವೆಸ್ಟ್ ಇಂಡೀಸ್ ಆಲ್ರೌಂಡರ್ ಡಿಯಾಂಡ್ರಾ ಡಾಟಿನ್, ಇಂಗ್ಲೆಂಡ್ ನಾಯಕಿ ಹೀದರ್ ನೈಟ್ ಮತ್ತು ದಕ್ಷಿಣ ಆಫ್ರಿಕಾದ ಮಾಜಿ ವಿಕೆಟ್ ಕೀಪರ್ ಲಿಜೆಲ್ ಲೀ ಅವರ ಮೂಲ ಬೆಲೆ 50 ಲಕ್ಷ ರೂ.
ಐದು ತಂಡಗಳು 19 ಸ್ಥಾನಗಳನ್ನು ಭರ್ತಿ ಮಾಡಲಿದ್ದು, ಐದು ಸ್ಥಾನಗಳನ್ನು ವಿದೇಶಿ ಆಟಗಾರರಿಗೆ ಮೀಸಲಿಡಲಾಗಿದೆ. ಇದಕ್ಕೂ ಮುನ್ನ ನವೆಂಬರ್ 7 ರಂದು, ತಂಡಗಳು ಮುಂಬರುವ ಆವೃತ್ತಿಗೆ ತಮ್ಮ ಉಳಿಸಿಕೊಳ್ಳುವಿಕೆಯನ್ನು ಹೆಸರಿಸಿದವು.
ಉದ್ಘಾಟನಾ ಆವೃತ್ತಿಯಲ್ಲಿ ಪ್ರಶಸ್ತಿ ಗೆದ್ದ ಮುಂಬೈ ಇಂಡಿಯನ್ಸ್ (ಎಂಐ) ಡಬ್ಲ್ಯುಪಿಎಲ್ ಇತಿಹಾಸದಲ್ಲಿ ಮೊದಲ ಬೌಲರ್ ಎಂಬ ದಾಖಲೆಯನ್ನು ಹೊಂದಿರುವ ಇಂಗ್ಲೆಂಡಿನ ಇಸ್ಸಿ ವಾಂಗ್ ಅವರನ್ನು ಕೈಬಿಟ್ಟಿದೆ. ವಾಂಗ್ ಈ ಬಾರಿ ಹರಾಜಿನ ಭಾಗವಾಗಿಲ್ಲ.
ಆರ್‌ಸಿ ಆಯ್ಕೆ ಬಗ್ಗೆ ಕಾತರ
ಸ್ಮೃತಿ ಮಂದಾನ ನೇತೃತ್ವದ ಆರ್‌ಸಿ ಕಳೆದ ಬಾರಿ ಫೈನಲ್ನಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಎಂಟು ವಿಕೆಟ್‌ಗಳಿಂದ ಸೋಲಿಸಿದ ನಂತರ ಹಾಲಿ ಚಾಂಪಿಯನ್ ಆಗಿದೆ.
ಆರ್ಸಿಬಿ ಇಂಗ್ಲೆಂಡಿನ ಡ್ಯಾನಿ ವ್ಯಾಟ್-ಹಾಡ್ಜ್ ಅವರನ್ನು ವಾರಿಯರ್ಸ್ ಜೊತೆಗಿನ ವಿನಿಮಯದಲ್ಲಿ ಸೇರಿಸಿಕೊಂಡಿದೆ. ಇನ್ನು ರಾಷ್ಟ್ರೀಯ ಸೀನಿಯರ್ ಮಹಿಳಾ ಟಿ 20 ಟ್ರೋಫಿಯಲ್ಲಿ ಮುಂಬೈ ತಂಡವನ್ನು ವೈಭವಕ್ಕೆ ಮುನ್ನಡೆಸಿದ ಹುಮೈರಾ ಕಾಜಿ ಕೂಡ ಹರಾಜಿಗೆ ಒಳಗಾಗಲಿದ್ದಾರೆ.
ರಾಯಲ್ ಚಾಲೆಂಜರ್ಸ್ ತಂಡದ ಸ್ಥಿತಿಗತಿ
ಉಳಿಸಿಕೊಂಡವರು: ಸ್ಮೃತಿ ಮಂದಾನ (ನಾಯಕಿ), ಸಬ್ಬಿನೇನಿ ಮೇಘನಾ, ಎಲಿಸ್ ಪೆರ್ರಿ, ರಿಚಾ ಘೋಷ್, ಜಾರ್ಜಿಯಾ ವೇರ್ಹ್ಯಾಮ್, ಶ್ರೇಯಂಕಾ ಪಾಟಿಲ್, ಆಶಾ ಶೋಭನಾ, ಸೋಫಿ ಡಿವೈನ್, ರೇಣುಕಾ ಸಿಂಗ್, ಸೋಫಿ ಮೊಲಿನೆಕ್ಸ್, ಏಕ್ತಾ ಬಿಶ್ತ್, ಕೇಟ್ ಕ್ರಾಸ್, ಕನಿಕಾ ಅಹುಜಾ.
ವಿನಿಮಯ: ಡ್ಯಾನಿ ವ್ಯಾಟ್-ಹಾಡ್ಜ್
ಬಿಡುಗಡೆಯಾದವರು: ದಿಶಾ ಕಸತ್, ನಾದಿನ್ ಡಿ ಕ್ಲೆರ್ಕ್, ಇಂದ್ರಾಣಿ ರಾಯ್, ಶುಭಾ ಸತೀಶ್, ಶ್ರದ್ಧಾ ಪೋಕರ್ಕರ್, ಸಿಮ್ರಾನ್ ಬಹದ್ದೂರ್. ಉಳಿದ ಮೊತ್ತ: 3.25 ಕೋಟಿ
