ಮೂರಂತಸ್ತಿನ ಕಟ್ಟಡ ಕುಸಿದು 9 ಮಂದಿ ಮೃತಪಟ್ಟಿರುವ ಘಟನೆ ಉತ್ತರ ಪ್ರದೇಶದ ಮೀರತ್ ನಲ್ಲಿ ಶನಿವಾರ ಮುಂಜಾನೆ ಸಂಭವಿಸಿದ್ದು, 4 ಮಂದಿಯನ್ನು ರಕ್ಷಿಸಲಾಗಿದೆ.
ಜಾಕಿರ್ ನಗರದಲ್ಲಿ ಶನಿವಾರ ಮುಂಜಾನೆ 5.15 ಗಂಟೆ ಸುಮಾರಿಗೆ ಕಟ್ಟಡ ಕುಸಿದಿದೆ. 15 ಗಂಟೆಗಳಿಂದ ರಕ್ಷಣಾ ಕಾರ್ಯ ನಡೆದಿದೆ.
ಕಟ್ಟಡದಲ್ಲಿ ಡೈರಿ ನಿರ್ವಹಣೆ ಮಾಡುತ್ತಿದ್ದು, ಎರಡು ಎಮ್ಮೆಗಳು ಕೂಡ ಮೃತಪಟ್ಟಿರುವ ಶಂಕೆ ಇದೆ. ಕಟ್ಟಡದಲ್ಲಿ 15 ಮಂದಿ ನೆಲೆಸಿದ್ದು, 9 ಮಂದಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
