ಕನ್ನಡ ಚಿತ್ರರಂಗದಲ್ಲಿ ಕೊರಿಯೋಗ್ರಾಫರ್ ಆಗಿ ವೃತ್ತಿಜೀವನ ಆರಂಭಿಸಿದ ಎ.ಹರ್ಷ ಇದೀಗ ಬಾಲಿವುಡ್ ಗೆ ಲಗ್ಗೆ ಹಾಕಿದ್ದು ಸ್ಟಾರ್ ನಟ ಟೈಗರ್ ಶ್ರಾಫ್ ಅವರ ಬಾಗಿ-4 ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ.
ಸೋಮವಾರ ಭಾಗಿ-೪ ಚಿತ್ರದ ಪೋಸ್ಟರ್ ಬಿಡುಗಡೆ ಮಾಡಲಾಗಿದ್ದು, 2025ರಂದು ಚಿತ್ರ ಬಿಡುಗಡೆ ಆಗಲಿದೆ ಎಂದು ಘೋಷಿಸಲಾಗಿದೆ.
ಟಾಯ್ಲೆಟ್ ನಲ್ಲಿ ಹರಿದ ಅಂಗಿ-ಚೆಡ್ಡಿ ತೊಟ್ಟು ಟೈಗರ್ ಶ್ರಾಫ್ ಒಂದು ಕೈಲ್ಲಿ ರಕ್ತಸಿಕ್ತ ಕತ್ತಿ ಮತ್ತೊಂದು ಕೈಯಲ್ಲಿ ಮದ್ಯದ ಬಾಟಲಿ ಹಿಡಿದು ಟಾಯ್ಲೆಟ್ ಮೇಲೆ ಕುಳಿತಿರುವ ಪೋಸ್ಟರ್ ಕುತೂಹಲ ಮೂಡಿಸಿದೆ.
2016ರಲ್ಲಿ ಬಾಗಿ ಚಿತ್ರದ ಮೊದಲ ಚಿತ್ರ ಬಿಡುಗಡೆ ಆಗಿದ್ದು, ಈ ಚಿತ್ರದ ಯಶಸ್ಸಿನ ಹಿನ್ನೆಲೆಯಲ್ಲಿ ಸರಣಿ ಚಿತ್ರಗಳು ಬಿಡುಗಡೆ ಆಗಿದ್ದು, ಇದೀಗ ನಾಲ್ಕನೇ ಭಾಗದ ಚಿತ್ರೀಕರಣದ ಸದ್ದಿಲ್ಲದೇ ನಡೆಯುತ್ತಿದೆ.
ಗೆಳೆಯರು, ಬಿರುಗಾಳಿ, ಚಿಂಗಾರಿ, ಅಂಜನಿಪುತ್ರ, ಭಜರಂಗಿ, ಮಾರುತಿ-800, ವೇದಾ ಸೇರಿದಂತೆ ಹಲವು ಕನ್ನಡ ಚಿತ್ರಗಳನ್ನು ನಿರ್ದೇಶಿಸಿರುವ ಎ.ಹರ್ಷ ಇತ್ತೀಚೆಗೆ ತೆಲುಗು ಚಿತ್ರವನ್ನೂ ನಿರ್ದೇಶಿಸಿ ಸೈ ಎನಿಸಿಕೊಂಡಿದ್ದರು. ಇದೀಗ ಬಾಲಿವುಡ್ ಗೆ ಹಾರಿರುವ ಹರ್ಷ ಬಿಗ್ ಬಜೆಟ್ ಚಿತ್ರವನ್ನು ಸ್ಟಾರ್ ನಟನಿಗೆ ಮೊದಲ ಬಾರಿ ನಿರ್ದೇಶಿಸುತ್ತಿದ್ದಾರೆ.
