ಬಾಕ್ಸಿಂಗ್ ರಿಂಗ್ ನ ದೈತ್ಯ ವಿಶ್ವ ಚಾಂಪಿಯನ್ ಮೈಕ್ ಟೈಸನ್ ತೀವ್ರ ಕುತೂಹಲ ಕೆರಳಿಸಿದ್ದ 2024ನೇ ಸಾಲಿನ ಅತೀ ದೊಡ್ಡ ಬಾಕ್ಸಿಂಗ್ ನಲ್ಲಿ 27 ವರ್ಷದ ಜಾಕ್ ಪಾಲ್ ವಿರುದ್ಧ ಸೋಲುಂಡಿದ್ದಾರೆ.
ಅಮೆರಿಕದ ಟೆಕ್ಸಾಸ್ ನ ಅರ್ಲಿಗ್ಯಾಟನ್ ನಲ್ಲಿ ಭಾರತೀಯ ಕಾಲಮಾನದ ಪ್ರಕಾರ ಶನಿವಾರ ಮುಂಜಾನೆ ನಡೆದ ಜಿದ್ದಾಜಿದ್ದಿನ ಪಂದ್ಯದಲ್ಲಿ ಜಾಕ್ ಪಾಲ್ 79-73 ಅಂಕಗಳಿಂದ 58 ವರ್ಷದ ಮೈಕ್ ಟೈಸನ್ ವಿರುದ್ಧ ಜಯಭೇರಿ ಬಾರಿಸಿದ್ದಾರೆ.
ಬಾಕ್ಸಿಂಗ್ ದಂತಕತೆ ಟೈಸನ್ ಮೇಲೆ ವಯಸ್ಸು ಪರಿಣಾಮ ಬೀರಿದ್ದು ಸ್ಪಷ್ಟವಾಗಿತ್ತು. ವೇಗ ಮತ್ತು ಬಲಿಷ್ಠ ಹೊಡೆತಗಳಿಗೆ ಹೆಸರಾಗಿದ್ದ ಟೈಸನ್ ವೇಗ ಕುಂಠಿತವಾಗಿದ್ದು ಸ್ಪಷ್ಟವಾಗಿತ್ತು.
ಯೂಟ್ಯೂಬರ್ ಜಾಕ್ ಪಾಲ್ ಬಾಕ್ಸರ್ ಆಗಿ ಬದಲಾಗಿ ಸವಾಲು ಹಾಕಿದ್ದ. ಈ ಹಿನ್ನೆಲೆಯಲ್ಲಿ ನಡೆದ ಬಾಕ್ಸಿಂಗ್ ನಲ್ಲಿ 58 ವರ್ಷದ ವಯಸ್ಸಿನಲ್ಲೂ ಟೈಸನ್ ಸಮಬಲದ ಹೊರಾಟ ನಡೆಸಿದರು. ಪಂದ್ಯದ ಕೊನೆಯ ಹಂತದಲ್ಲಿ ಮೇಲುಗೈ ಸಾಧಿಸಿದ ಜಾಕ್ ಪಾಲ್ ಗೆಲುವಿನ ನಗೆ ಬೀರಿದರು.
