ತಿರುವನಂತಪುರ: ಸುಮಾರು ಎರಡು ತಿಂಗಳು ನಡೆಯುವ ಶಬರಿಮಲೆ ತೀರ್ಥಯಾತ್ರೆಯು ಸೋಮವಾರ ಆರಂಭವಾಗಿದ್ದು, ಭಕ್ತರಿಗಾಗಿ ದೇವಾಲಯದ ಬಾಗಿಲು ತೆರೆದಿದೆ.
ಮಂಡಲ ಪೂಜೆ ತೀರ್ಥಯಾತ್ರೆಯು ಡಿಸೆಂಬರ್ 27ರವರೆಗೆ ನಡೆಯಲಿದ್ದು, ಮಕರವಿಳಕ್ಕು ತೀರ್ಥಯಾತ್ರೆ ಡಿ. 30ರಿಂದ ಆರಂಭವಾಗಲಿದೆ. ಮಕರವಿಳಕ್ಕು ಜನವರಿ 14ರಂದು ನಡೆಯಲಿದೆ.
ತಿರುವಾಂಕೂರು ದೇವಸ್ವಂ ಮಂಡಳಿ (ಟಿಡಿಬಿ) ಹಾಗೂ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ ಸರ್ಕಾರ, ಯಾತ್ರಾರ್ಥಿಗಳಿಗೆ ಜೀವ ವಿಮಾ ಯೋಜನೆ ಸೇರಿದಂತೆ ಹಲವು ಸುಧಾರಣೆಗಳನ್ನು ಜಾರಿಗೆ ತಂದಿವೆ.
ಪ್ರಸಾದ ಕೊರತೆ ಇಲ್ಲ: ದೇವಾಲಯದಲ್ಲಿ ಪ್ರಸಾದ ತಯಾರಿಸುವ ಘಟಕದಲ್ಲಿ ನವೀಕರಣ ಕಾರ್ಯ
ನಡೆಯುತ್ತಿರುವುದರಿಂದ ‘ಅರವಣ’ ಪಾಯಸ ಪ್ರಸಾದದ ಕೊರತೆಯಾಗಬಹುದು ಎಂಬ ಆತಂಕಗಳಿದ್ದರೂ, ದೇವಸ್ವಂ ಅಧಿಕಾರಿಗಳು ಕೊರತೆಯ ಸಾಧ್ಯತೆಯನ್ನು ತಳ್ಳಿಹಾಕಿದ್ದಾರೆ. ದೇವಾಲಯವು ಭಕ್ತರಿಗೆ ತೆರೆಯುವ ವೇಳೆಗೆ 50 ಲಕ್ಷ ಟಿನ್ಗಳಷ್ಟು ಪ್ರಸಾದವನ್ನು ಮೀಸಲು ದಾಸ್ತಾನಾಗಿ ಇರಿಸಿಕೊಳ್ಳಲಾಗಿದೆ ಎಂದು ಟಿಡಿಬಿ ಅಧ್ಯಕ್ಷ ಕೆ. ಜಯಕುಮಾರ್ ತಿಳಿಸಿದ್ದಾರೆ.
