ನೆರೆಯ ಚೀನಾದಲ್ಲಿ ಉಸಿರಾಟ ಸಂಬಂಧಿ ಹೊಸ ವೈರಸ್ ಹರಡುವಿಕೆಯ ಹಿನ್ನೆಲೆಯಲ್ಲಿ ಎಲ್ಲ ಅಗತ್ಯ ಮುನ್ನೆಚ್ಚರಿಕಾ ಕ್ರಮ ಕೈಗೊಳ್ಳಲು ಕೇಂದ್ರ ಆರೋಗ್ಯ ಇಲಾಖೆ ಮುಂದಾಗಿದೆ.
ಕೇಂದ್ರ ಆರೋಗ್ಯ ಸಚಿವಾಲಯದ ಅಡಿಯಲ್ಲಿನ ರಾಷ್ಟ್ರೀಯ ರೋಗ ನಿಯಂತ್ರಣ ಕೇಂದ್ರ (ಎನ್ಸಿಡಿಸಿ) ದೇಶದಲ್ಲಿ ಉಸಿರಾಟದ ಪ್ರಕರಣಗಳನ್ನು ಮೇಲ್ವಿಚಾರಣೆ ಮಾಡುತ್ತಿದೆ ಮತ್ತು ಅಂತರರಾಷ್ಟ್ರೀಯ ಏಜೆನ್ಸಿಗಳೊಂದಿಗೆ ಸಂಪರ್ಕದಲ್ಲಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಚೀನಾದಲ್ಲಿ ಮಾನವ ಮೆಟಾನ್ಯೂಮೋವೈರಸ್ (ಎಚ್ಎಂಪಿವಿ) ಏಕಾಏಕಿ ಹೆಚ್ಚಿರುವ ಬಗ್ಗೆ ಇತ್ತೀಚಿನ ವರದಿಗಳ ನಂತರ, “ನಾವು ಪರಿಸ್ಥಿತಿಯನ್ನು ನಿಕಟವಾಗಿ ಮೇಲ್ವಿಚಾರಣೆ ಮಾಡುವುದನ್ನು ಮುಂದುವರಿಸುತ್ತೇವೆ, ಮಾಹಿತಿಯನ್ನು ಪಡೆದು ಅದಕ್ಕೆ ಅನುಗುಣವಾದ ಕ್ರಮ ಕೈಗೊಳ್ಳುತ್ತೇವೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಡಿಸೆಂಬರ್ 16ರಿಂದ 22ರ ನಡುವೆ ದತ್ತಾಂಶವು ಕಾಲೋಚಿತ ಇನ್ಫ್ಲುಯೆನ್ಸ್, ರೈನೋವೈರಸ್, ಉಸಿರಾಟದ ಸಿನ್ಸಿಟಿಯಲ್ ವೈರಸ್ ಮತ್ತು ಮಾನವ ಮೆಟಾನ್ಯೂಮೋವೈರಸ್ ಸೇರಿದಂತೆ ತೀವ್ರ ಉಸಿರಾಟದ ಸೋಂಕುಗಳ ಇತ್ತೀಚಿನ ಏರಿಕೆಯನ್ನು ಸೂಚಿಸುತ್ತದೆ,
ಈ ವರ್ಷ ಚೀನಾದಲ್ಲಿ ಉಸಿರಾಟದ ಸಾಂಕ್ರಾಮಿಕ ರೋಗಗಳ ಒಟ್ಟಾರೆ ಪ್ರಮಾಣ ಮತ್ತು ತೀವ್ರತೆ ಕಳೆದ ವರ್ಷಕ್ಕಿಂತ ಕಡಿಮೆಯಾಗಿದೆ. ಉತ್ತರ ಗೋಳಾರ್ಧದಲ್ಲಿ, ವಿಶೇಷವಾಗಿ ಚಳಿಗಾಲದ ಅವಧಿಯಲ್ಲಿ ಉಸಿರಾಟದ ರೋಗಕಾರಕಗಳಲ್ಲಿ ಕಾಲೋಚಿತ ಹೆಚ್ಚಳವನ್ನು ನಿರೀಕ್ಷಿಸಲಾಗಿದೆ ಎಂದು ಡಬ್ಲ್ಯುಪಿಆರ್ಒದ ಮೂಲಗಳು ತಿಳಿಸಿವೆ.
ಚೀನಾದಲ್ಲಿ ಆತಂಕ, ಮುನ್ನೆಚ್ಚರಿಕೆ
ಚೀನಾದಲ್ಲಿ ಉಸಿರಾಟದ ಕಾಯಿಲೆಗಳು ಹೆಚ್ಚುತ್ತಿದ್ದು, ಹ್ಯೂಮನ್ ಮೆಟಾನ್ಯೂಮೋವೈರಸ್ (ಎಚ್ಎಂಪಿವಿ) ವೈರಸ್ ಅಪಾಯಕಾರಿಯಾಗಿ ಕಾಣುತ್ತಿದೆ.
ಕಳೆದ ತಿಂಗಳು, ಅಪರಿಚಿತ ಮೂಲದ ನ್ಯುಮೋನಿಯಾ ಸೇರಿದಂತೆ ಚಳಿಗಾಲದ ಕಾಯಿಲೆಗಳ ನಿಯಂತ್ರಣಕ್ಕೆ ಚೀನಾವು ಮೇಲ್ವಿಚಾರಣಾ ವ್ಯವಸ್ಥೆಯನ್ನು ಪ್ರಾಯೋಗಿಕವಾಗಿ ಪ್ರಾರಂಭಿಸಿದೆ.
ಎಚ್ಎಂಪಿವಿ ರೋಗವು ವೇಗವಾಗಿ ಹರಡುತ್ತಿದೆ ಮತ್ತು ಹೆಚ್ಚಾಗಿ ಮಕ್ಕಳು ಮತ್ತು ವೃದ್ಧರು, ಆಸ್ಪತ್ರೆಗಳು ಮತ್ತು ಶವಾಗಾರಗಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ವರದಿಗಳು ಹೇಳಿವೆ.
ಚೀನಾದ ಆರೋಗ್ಯ ಅಧಿಕಾರಿಗಳು ಎಚ್ಎಂಪಿವಿಯನ್ನು ಸಾಂಕ್ರಾಮಿಕ ರೋಗವೆಂದು ಉಲ್ಲೇಖಿಸದಿದ್ದರೂ, ರೋಗಕಾರಕಗಳನ್ನು ನಿರ್ವಹಿಸಲು ನೇಮಾಚಾರಗಳನ್ನು ಜಾರಿಗೆ ತರುವುದಾಗಿ ಹೇಳಿದೆ.
ರೋಗದ ಬಗ್ಗೆ ಪ್ರಯೋಗಾಲಯಗಳಿಗೆ ವರದಿ ಮಾಡಲು ಮತ್ತು ರೋಗ ನಿಯಂತ್ರಣ ಮತ್ತು ತಡೆಗಟ್ಟುವ ಸಂಸ್ಥೆಗಳಿಗೆ ಪ್ರಕರಣಗಳನ್ನು ಪರಿಶೀಲಿಸಲು ಮತ್ತು ನಿರ್ವಹಿಸಲು ಕಾರ್ಯವಿಧಾನವನ್ನು ಸ್ಥಾಪಿಸುವುದಾಗಿ ಇಲಾಖೆ ಹೇಳಿದೆ.
ರೋಗ ಲಕ್ಷಣಗಳೇನು
ಜ್ವರ, ಕೆಮ್ಮು, ಮೂಗಿನ ದಟ್ಟಣೆ, ಉಸಿರಾಟದ ತೊಂದರೆ ಮತ್ತು ಉಬ್ಬಸ ಸೇರಿದಂತೆ ಇತರ ಉಸಿರಾಟದ ವೈರಸ್ಗಳಿಗೆ ಹೋಲುವ ರೋಗ ಲಕ್ಷಣಗಳು ಕಾಣುತ್ತದೆ. ತೀವ್ರವಾದ ಪ್ರಕರಣಗಳು ಬ್ರಾಂಕಿಯೋಲಿಟಿಸ್ ಅಥವಾ ನ್ಯುಮೋನಿಯಾಕ್ಕೆ ಕಾರಣವಾಗಬಹುದು.
ಎಚ್ಎಂಪಿವಿಗೆ ಯಾವುದೇ ನಿರ್ದಿಷ್ಟ ಆಂಟಿವೈರಲ್ ಚಿಕಿತ್ಸೆ ಇಲ್ಲ. ತೀವ್ರ ಸಂದರ್ಭಗಳಲ್ಲಿ ಜಲಸಂಚಯನ, ಜ್ವರ ನಿಯಂತ್ರಣ ಮತ್ತು ಆಮ್ಲಜನಕ ಚಿಕಿತ್ಸೆಯ ಮೇಲೆ ಕೇಂದ್ರೀಕರಿಸುತ್ತದೆ. ಆದ್ದರಿಂದ ರೋಗ ತಡೆಗಟ್ಟುವಿಕೆಯು ಅದರ ಹರಡುವಿಕೆಯನ್ನು ನಿಯಂತ್ರಿಸುವ ಮೂಲಾಧಾರವಾಗುತ್ತದೆ.
ಏನು ಮಾಡಬೇಕು: ಕೈ ನೈರ್ಮಲ್ಯ, ಉಸಿರಾಟದ ಶಿಷ್ಟಾಚಾರ (ಕೆಮ್ಮು ಮತ್ತು ಸೀನುವಾಗ ಕೈ ಅಡ್ಡ ಇಡುವುದು) ಪಾಲನೆ ಮತ್ತು ರೋಗಲಕ್ಷಣಗಳಿರುವ ವ್ಯಕ್ತಿಗಳೊಂದಿಗೆ ನಿಕಟ ಸಂಪರ್ಕವನ್ನು ತಪ್ಪಿಸಿ.
