ಸೇನಾಪಡೆ ಅಪಾಚಿ ಹೆಲಿಕಾಫ್ಟರ್ ವಿಚಿತ್ರವಾಗಿ ಚಲಿಸುತ್ತಿರುವುದನ್ನು ಗಮನಿಸಿದ ಸಿಬ್ಬಂದಿ ಪರಿಶೀಲಿಸಿದಾಗ ಇಬ್ಬರು ಯೋಧರು ಮದ್ಯ ಸೇವಿಸಿ ಸೆಕ್ಸ್ ನಲ್ಲಿ ತಲ್ಲೀನರಾಗಿರುವ ದೃಶ್ಯ ಕಂಡು ಆಘಾತಕ್ಕೆ ಒಳಗಾದ ಘಟನೆ ಬ್ರಿಟನ್ ನಲ್ಲಿ ನಡೆದಿದೆ.
ಸೇನಾಪಡೆಯ ಅತ್ಯಾಧುನಿಕ ಹೆಲಿಕಾಫ್ಟರ್ ಆಗಿರುವ ಅಪಾಚಿ 8.5 ದಶಲಕ್ಷ ಡಾಲರ್ (75 ಕೋಟಿ ರೂ.) ಮೌಲ್ಯ ಹೊಂದಿದ್ದು, 30ಮಿ.ಮೀ. ಉದ್ದದ ಫಿರಂಗಿ, ಹೆಲಿಫೈರ್ ಕ್ಷಿಪಣಿ ಮುಂತಾದ ಶಸ್ತ್ರಾಸ್ತ್ರಗಳು ಹೊಂದಿದ್ದವು.
ಸೇನಾ ಸಿಬ್ಬಂದಿ ಎಂದಿನಂತೆ ಹೆಲಿಕಾಫ್ಟರ್ ಸ್ವಚ್ಛಗೊಳಿಸುವುದು ಸೇರಿದಂತೆ ಪರಿಶೀಲನೆ ನಡೆಸಲು ಮುಂದಾದಾಗ ಅರೆನಗ್ನ ಸ್ಥಿತಿಯಲ್ಲಿದ್ದ ಯೋಧರು ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿದ್ದು ಕಂಡುಬಂದಿದ್ದು, ಇಬ್ಬರು ಮದ್ಯ ಸೇವಿಸಿರುವುದು ಕೂಡ ದೃಢಪಟ್ಟಿದೆ.
ಹೆಲಿಕಾಫ್ಟರ್ ಕಾಕ್ ಪಿಟ್ ನಲ್ಲಿ ಪುರುಷ ಯೋಧ ಸೇನಾ ಸಮವಸ್ತ್ರದಲ್ಲಿದ್ದರೆ ಮಹಿಳಾ ಯೋಧೆ ನಾಗರಿಕ ವಸ್ತ್ರ ಧರಿಸಿದ್ದಳು. ಇಬ್ಬರಿಗೂ ಹೆಲಿಕಾಫ್ಟರ್ ನಿಂದ ಹೊರಗೆ ಬರುವಂತೆ ಸೂಚಿಸಿದ್ದೂ ಅಲ್ಲದೇ ಬಟ್ಟೆ ಸರಿಯಾಗಿ ಧರಿಸಿಕೊಳ್ಳುವಂತೆ ಹೇಳಲಾಗಿದೆ. ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ವಿಚಾರಣೆ ನಡೆಸುವವರೆಗೂ ಇಬ್ಬರೂ ಯೋಧರನ್ನು ವಶಕ್ಕೆ ಪಡೆಯಲಾಗಿದೆ.
