ಚಲಿಸುತ್ತಿದ್ದ ರೈಲಿನಿದ 6 ಬೋಗಿಗಳು ಬೇರ್ಪಟ್ಟ ಘಟನೆ ಶಿವಮೊಗ್ಗ ನಗರದ ತುಂಗಾ ಸೇತುವೆಯ ಮೇಲೆ ಸಂಭವಿಸಿದೆ.
ಶಿವಮೊಗ್ಗ ನಗರದಲ್ಲಿ ಬುಧವಾರ ಮಧ್ಯಾಹ್ನ ರೈಲಿನ 6 ಬೋಗಿಗಳು ರೈಲಿನಿಂದ ಬೇರ್ಪಟ್ಟು ಹಳಿಯ ಮೇಲೆಯೇ ನಿಂತಿದ್ದರಿಂದ ದೊಡ್ಡ ರೈಲು ದುರಂತವೊಂದು ತಪ್ಪಿದೆ.
ಶಿವಮೊಗ್ಗ ನಗರದ ಹೊಳೆ ರೈಲು ನಿಲ್ದಾಣದ ಬಳಿ ತುಂಗಾ ಸೇತುವೆ ಮೇಲೆ 21 ಬೋಗಿಗಳ ಪ್ರಯಾಣಿಕ ರೈಲಿನ 6 ಬೋಗಿಗಳು ಬೇರ್ಪಟ್ಟು ತುಂಗಾ ಸೇತುವೆ ಮೇಲೆಯೇ ನಿಂತಿದ್ದವು.
48 ನಿಮಿಷಗಳ ಕಾಲ ಕಾರ್ಯಾಚಾರಣೆ ನಡೆಸಿದ ನಂತರ ರೈಲ್ವೆ ಸಿಬ್ಬಂದಿಗಳು ಕೊನೆಗೂ ಯಶಸ್ವಿಯಾಗಿ ಬೇರ್ಪಟ್ಟ ಬೋಗಿಗಳನ್ನು ಜೋಡಿಸಿದ್ದರಿಂದ ಸುಮಾರು 50 ನಿಮಿಷಗಳ ನಂತರ ರೈಲು ಸಂಚಾರ ಪುನರಾರಂಭಗೊಂಡಿದ್ದು, ಪ್ರಯಾಣಿಕರು ನಿಟ್ಟುಸಿರುಬಿಟ್ಟಿದ್ದಾರೆ.
