ಪಿಟ್ಟಿ ಇಂಜಿನಿಯರಿಂಗ್ ಲಿಮಿಟೆಡ್ (“ಪಿಇಎಲ್”) ಇಂದು ಬಗಾಡಿಯಾ ಚೈತ್ರಾ ಇಂಡಸ್ಟ್ರೀಸ್ ಪ್ರೈವೇಟ್ ಲಿಮಿಟೆಡ್ (ಬಿಸಿಐಪಿಎಲ್) ಮತ್ತು ಅದರ ಷೇರುಗಳ ಸಹಿತ 124.92 ಕೋಟಿ ರೂಪಾಯಿ ಮೌಲ್ಯದ ಬಿಸಿಐಪಿಎಲ್‍ನ ಶೇಕಡ 100 ರಷ್ಟು ಈಕ್ವಿಟಿ ಷೇರು ಬಂಡವಾಳವನ್ನು ಸ್ವಾಧೀನಪಡಿಸಿಕೊಳ್ಳುವ ಒಪ್ಪಂದಕ್ಕೆ ಸಹಿ ಹಾಕಿದೆ.
ನಿವ್ವಳ ಸಾಲ ಮತ್ತು ದುಡಿಯುವ ಬಂಡವಾಳ ಬದಲಾವಣೆಗಳಿಗೆ ಮೇಲೆ ಹೇಳಲಾದ ಎಂಟರ್‍ಪ್ರೈಸ್ ಮೌಲ್ಯವನ್ನು ಮುಕ್ತಾಯ ದಿನಾಂಕದಂದು ಹೊಂದಿಸುವ ಮೂಲಕ ಮತ್ತು ಉಭಯ ಪಕ್ಷಗಳ ನಡುವೆ ಪರಸ್ಪರ ಒಪ್ಪಿಗೆಯಾಗುವ ಇತರ ಹೊಂದಾಣಿಕೆಗಳಿಗೆ ಒಳಪಟ್ಟು ಸ್ವಾಧೀನದ ವೆಚ್ಚವನ್ನು ನೀಡಲಾಗುತ್ತದೆ.
ಒಟ್ಟಾರೆ ಪರಿಗಣನೆಯ ಭಾಗವಾಗಿ, ಬಿಸಿಐಪಿಎಲ್‍ನ ಅಸ್ತಿತ್ವದಲ್ಲಿರುವ ಸಾಲವನ್ನು ಮರುಪಾವತಿಸಲು ಅಂತಿಮ ದಿನಾಂಕದಂದು ಬಿಸಿಐಪಿಎಲ್‍ಗೆ 40 ಕೋಟಿಗಳಷ್ಟು ಹಣವನ್ನು ತುಂಬಿಸಲು ಒಪ್ಪಿಕೊಳ್ಳಲಾಗಿದೆ ಎಂದು ಪಿಟ್ಟಿ ಇಂಜಿನಿಯರಿಂಗ್ ಲಿಮಿಟೆಡ್‍ನ ಉಪಾಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಶ್ರೀ ಅಕ್ಷಯ್ ಎಸ್ ಪಿಟ್ಟಿ ಪ್ರಕಟಣೆಯಲ್ಲಿ ಹೇಳಿದ್ದಾರೆ.
ಬಿಸಿಐಪಿಎಲ್ ಎಸಿ/ಡಿಸಿ ಮೋಟಾರ್‍ಗಳು, ಆಲ್ಟರ್ನೇಟರ್‍ಗಳು, ಪಂಪ್‍ಗಳು, ಗೃಹೋಪಯೋಗಿ ಉಪಕರಣಗಳು, ಎಲೆಕ್ಟ್ರಿಕಲ್ ವೆಹಿಕಲ್ ಇತ್ಯಾದಿ ಉದ್ಯಮಗಳಿಗೆ ಎಲೆಕ್ಟ್ರಿಕಲ್ ಲ್ಯಾಮಿನೇಶನ್‍ಗಳು ಮತ್ತು ಅಲ್ಯೂಮಿನಿಯಂ ಡೈ ಕಾಸ್ಟ್ ರೋಟರ್‍ಗಳ ತಯಾರಕರಾಗಿದ್ದು, ದಕ್ಷಿಣ ಭಾರತದ ಮಾರುಕಟ್ಟೆಗೆ ಪ್ರಮುಖ ಭೌಗೋಳಿಕ ಮಾನ್ಯತೆ ಹೊಂದಿದೆ.
ಈ ಸ್ವಾಧೀನವು ಪಿಟ್ಟಿ ದಕ್ಷಿಣ ಭಾರತದಲ್ಲಿ ತನ್ನ ಅಸ್ತಿತ್ವವನ್ನು ವಿಸ್ತರಿಸಲು ಸಹಾಯ ಮಾಡುತ್ತದೆ, ಒಟ್ಟಾರೆ ಆಸ್ತಿ ಬೇಸ್ ಮತ್ತು ಉತ್ಪಾದನಾ ಸಾಮಥ್ರ್ಯವನ್ನು ಸೇರಿಸುತ್ತದೆ, ಹೊಸ ಅಂತಿಮ ಬಳಕೆಯ ಕ್ಷೇತ್ರಗಳಿಗೆ ಪ್ರವೇಶವನ್ನು ಒದಗಿಸುತ್ತದೆ ಮತ್ತು ಹೊಸ ಗ್ರಾಹಕರನ್ನು ಸೇರಿಸುತ್ತದೆ ಎಂದು ಪ್ರಕಟಣೆ ತಿಳಿಸಿದೆ.
