ಭಾರತ ಕ್ರಿಕೆಟ್ ತಂಡದ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಮತ್ತು ರೂಪದರ್ಶಿ ನತಾಶಾ ನತಾಶಾ ಸ್ಟಾಂಕೊವಿಕ್ ದಾಂಪತ್ಯ ಅಧಿಕೃತವಾಗಿ ಮುರಿದುಬಿದ್ದಿದೆ.
ಕಳೆದ ಕೆಲವು ತಿಂಗಳಿನಿಂದ ನಡೆಯುತ್ತಿದ್ದ ವಿಚ್ಛೇದನ ವದಂತಿಯನ್ನು ಇಬ್ಬರೂ ಅಧಿಕೃತವಾಗಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.
ನಾವು ಸಾಕಷ್ಟು ಪ್ರಯತ್ನಿಸಿದೆವು. ಆದರೆ ಸಾಧ್ಯವಾಗಲಿಲ್ಲ ಎಂದು ಇನ್ ಸ್ಟಾಗ್ರಾಂನಲ್ಲಿ ಹಾರ್ದಿಕ್ ಪಾಂಡ್ಯ ಪೋಸ್ಟ್ ಮಾಡಿದ್ದಾರೆ.
2018ರಲ್ಲಿ ಮೊದಲ ಬಾರಿ ಹಾರ್ದಿಕ್ ಪಾಂಡ್ಯ ಮತ್ತು ಡ್ಯಾನ್ಸರ್, ನಟಿ ಹಾಗೂ ರೂಪದರ್ಶಿ ನತಾಶಾ ಪರಸ್ಪರ ಪರಿಚಯ ಆಗಿದ್ದು, 2020 ಜನವರಿ 1ರಂದು ಇಬ್ಬರು ಸುತ್ತಾಡಲು ಆರಂಭಿಸಿದ್ದರು.
2020 ಮೇ 30ರಂದು ಕೋವಿಡ್ ಲಾಕ್ ಡೌನ್ ನಡುವೆ ಇಬ್ಬರೂ ಮದುವೆ ಆಗಿದ್ದು, ಮನೆಯವರಿಗೆ ಮಾಹಿತಿ ಇರಲಿಲ್ಲ. 2020 ಜುಲೈ 30ರಂದು ಅಂದರೆ ಮದುವೆ ಆದ ಎರಡೇ ತಿಂಗಳಿಗೆ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಆ ಮಗು ಆಗಸ್ತ್ಯಗೆ 4 ವರ್ಷ ವಯಸ್ಸಾಗಿದೆ.
ಕೆಲವು ದಿನಗಳ ಹಿಂದೆಯಷ್ಟೇ ನತಾಶಾ ಮಗನ ಜೊತೆ ಸರ್ಬಿಯಾಗೆ ಮರಳಿದ್ದು, ಹಾರ್ದಿಕ್ ಕೂಡ ಶೀಘ‍್ರದಲ್ಲೇ ಸರ್ಬಿಯಾಗೆ ಹೋಗಿ ಅಲ್ಲಿಯೇ ನೆಲೆಸುತ್ತಾರೆ ಎಂದು ಹೇಳಲಾಗಿತ್ತು.
ಶ್ರೀಲಂಕಾ ಟಿ-20 ಸರಣಿಗೆ ಪ್ರಕಟಿಸಲಾದ ಭಾರತ ತಂಡದಲ್ಲಿ ಹಾರ್ದಿಕ್ ಪಾಂಡ್ಯ ನಾಯಕತ್ವ ಪಡೆಯಲು ವಿಫಲವಾಗಿದ್ದು, ಸೂರ್ಯಕುಮಾರ್ ಗೆ ನಾಯಕ ಪಟ್ಟ ನೀಡಲಾಗಿದೆ. ಬಿಸಿಸಿಐ ಅಧಿಕೃತವಾಗಿ ಟಿ-20 ತಂಡ ಪ್ರಕಟಿಸಿದ ಬೆನ್ನಲ್ಲೇ ಹಾರ್ದಿಕ್ ವಿಚ್ಛೇದನ ಸುದ್ದಿಯನ್ನು ಪ್ರಕಟಿಸಿದರು.
