ಭಾರತದ 2023-24ನೇ ಸಾಲಿನ 7 ಯೋಜನೆಗಳಿಗೆ ಅಮೆರಿಕ 750 ದಶಲಕ್ಷ ಡಾಲರ್ ಅಂದರೆ ಸುಮಾರು 6500 ಕೋಟಿ ರೂ. ಅನುದಾನ ನೀಡಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.
ಅಮೆರಿಕದ ಅಧ್ಯಕ್ಷರಾಗಿ 2ನೇ ಬಾರಿ ಅಧಿಕಾರ ವಹಿಸಿಕೊಂಡ ಬೆನ್ನಲ್ಲೇ ಭಾರತದಲ್ಲಿ ಮತದಾನ ಹೆಚ್ಚಳಕ್ಕೆ ನೀಡಲಾಗುತ್ತಿದ್ದ 21 ದಶಲಕ್ಷ ಡಾಲರ್ ಅನುದಾನ ಕಡಿತಗೊಳಿಸಿದ್ದರಿಂದ ಸಾಕಷ್ಟು ಚರ್ಚೆಗಳು ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ವಿತ್ತ ಸಚಿವಾಲಯ ಅಮೆರಿಕದ ಅನುದಾನ ಕುರಿತು ವಿವರಣೆಗಳನ್ನು ನೀಡಿದೆ.
ಹಣಕಾಸು ಸಚಿವಾಲಯದ ಇತ್ತೀಚಿನ ವಾರ್ಷಿಕ ವರದಿಯ ಪ್ರಕಾರ, 2023-24ರಲ್ಲಿ 750 ಡಾಲರ್ ಅನುದಾನವನ್ನು ಅಮೆರಿಕ 7 ಯೋಜನೆಗಳಿಗೆ ನೀಡಿದೆ. ಕೇಂದ್ರ ಸರ್ಕಾರ ಪ್ರಕಟಿಸಿದ ಬಜೆಟ್ ನ 7 ಯೋಜನೆಗಳಿಗೆ ಅಮೆರಿಕ 750 ದಶಲಕ್ಷ ಡಾಲರ್ (ಅಂದಾಜು 65 ಸಾವಿರ ಕೋಟಿ ರೂ.) ನೀಡಿದೆ.
2023-24 ರ ಹಣಕಾಸು ವರ್ಷಕ್ಕೆ, ಅಂತರರಾಷ್ಟ್ರೀಯ ಅಭಿವೃದ್ಧಿಗಾಗಿ ಯುಎಸ್ ಏಜೆನ್ಸಿ (ಯುಎಸ್ಎಐಡಿ) ಏಳು ಯೋಜನೆಗಳ ಅಡಿಯಲ್ಲಿ ಒಟ್ಟು 97 ದಶಲಕ್ಷ ಡಾಲರ್ (ಸುಮಾರು ರೂ. 825 ಕೋಟಿ) ಒಪ್ಪಂದ ಮಾಡಿಕೊಂಡಿದೆ.
ದ್ವಿಪಕ್ಷೀಯ ಹಣಕಾಸು ವ್ಯವಸ್ಥೆಗಳಿಗೆ ನೋಡಲ್ ಇಲಾಖೆಯಾಗಿರುವ ಹಣಕಾಸು ಸಚಿವಾಲಯದ ಅಡಿಯಲ್ಲಿರುವ ಆರ್ಥಿಕ ವ್ಯವಹಾರಗಳ ಇಲಾಖೆಯು 2023-24 ರಲ್ಲಿ ಹಣಕಾಸು ಒದಗಿಸಲಾದ ಯೋಜನೆಗಳ ವಿವರಗಳನ್ನು ವರದಿಯಲ್ಲಿ ಹಂಚಿಕೊಂಡಿದೆ.
ವರ್ಷದಲ್ಲಿ, ಮತದಾರರ ಮತದಾನವನ್ನು ಹೆಚ್ಚಿಸಲು ಯಾವುದೇ ಹಣವನ್ನು ನೀಡಲಾಗಿಲ್ಲ, ಆದರೆ ಕೃಷಿ ಮತ್ತು ಆಹಾರ ಭದ್ರತಾ ಕಾರ್ಯಕ್ರಮಗಳು; ನೀರು, ನೈರ್ಮಲ್ಯ ಮತ್ತು ನೈರ್ಮಲ್ಯ, ನವೀಕರಿಸಬಹುದಾದ ಇಂಧನ; ವಿಪತ್ತು ನಿರ್ವಹಣೆ ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದ ಯೋಜನೆಗಳಿಗೆ 6,500 ಕೋಟಿ ರೂ. ಅನುದಾನ ನೀಡಿದೆ.
1951ರಿಂದ ಭಾರತದ ಸಾಮಾಜಿಕ ಯೋಜನೆಗಳಿಗೆ ಅಮೆರಿಕ ಹಣಕಾಸಿನ ನೆರವು ನೀಡುವ ಒಪ್ಪಂದ ಮಾಡಿಕೊಳ್ಳಲಾಗಿದ್ದು, ಅಂದಿನಿಂದ ಅಮೆರಿಕ ಹಣಕಾಸಿನ ನೆರವು ನೀಡುತ್ತಾ ಬಂದಿದೆ. ಆದರೆ ಬಜೆಟ್ ನಲ್ಲಿ ಇದುವರೆಗೆ ಯಾವುದೇ ರೀತಿಯಲ್ಲೂ ಪ್ರಕಟಿಸುತ್ತಿರಲಿಲ್ಲ. ಇದೀಗ ವಿವಾದ ಭುಗಿಲೇಳುತ್ತಿದ್ದಂತೆ ಹಣಕಾಸಿನ ನೆರವಿನ ವಿವರಗಳು ಹೊರಗೆ ಬರುತ್ತಿವೆ.
1951ರಲ್ಲಿ ಮೊದಲ ಬಾರಿ ಅಮೆರಿಕ 555 ಯೋಜನೆಗಳಿಗೆ 17 ದಶಲಕ್ಷ ಡಾಲರ್ ನೆರವು ನೀಡಿತ್ತು. ಅಂದಿನ ಭಾರತದ ಆರ್ಥಿಕ ಪರಿಸ್ಥಿತಿ ಹೀನಾಯ ಸ್ಥಿತಿಯಲ್ಲಿತ್ತು. ಇದೀಗ ಭಾರತ ವಿಶ್ವದ ಪ್ರಬಲ ಆರ್ಥಿಕ ದೇಶಗಳಲ್ಲಿ ಭಾರತ ಕೂಡ ಒಂದಾಗಿದೆ. ಅಲ್ಲದೇ ಅತೀ ಹೆಚ್ಚು ತೆರಿಗೆ ವಿಧಿಸುವ ದೇಶಗಳಲ್ಲಿ ಭಾರತ ಪ್ರಮುಖ ಸ್ಥಾನದಲ್ಲಿದೆ.
