ಬೆಂಗಳೂರು: ದೇಶಾದ್ಯಂತ ವೃತ್ತಿಪರ ನಿರ್ವಹಣೆಯುಳ್ಳ ಹಿರಿಯ ನಾಗರಿಕರ ವಸತಿ ಸಮುಚ್ಚಯಗಳಿಗೆ ಬೇಡಿಕೆ ನಿರಂತರವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಪ್ರೈಮಸ್ ಸೀನಿಯರ್ ಲಿವಿಂಗ್ ಮತ್ತು ಗೋಪಾಲನ್ ಎಂಟರ್ ಪ್ರೈಸಸ್ ಸಂಸ್ಥೆಗಳು ಜಂಟಿಯಾಗಿ ಪ್ರೈಮಸ್ ಒಲಿಂಪಿಯಾ ಯೋಜನೆಗೆ ಅಧಿಕೃತವಾಗಿ ಚಾಲನೆ ನೀಡಿವೆ.
ಇದು ದಕ್ಷಿಣ ಬೆಂಗಳೂರಿನ ಮೈಸೂರು ರಸ್ತೆಯ ಕುಂಬಳಗೋಡು ಬಳಿ ಇರುವ 16 ಎಕರೆ ವಿಸ್ತೀರ್ಣದ ಗೋಪಾಲನ್ ಒಲಿಂಪಿಯಾ ಸ್ಪೋರ್ಟ್ಸ್ ಸಿಟಿ ಟೌನ್ ಶಿಪ್ ನೊಳಗೆ ಸ್ಥಾಪಿತವಾಗಿರುವ ₹135 ಕೋಟಿ ವೆಚ್ಚದ ಹಿರಿಯ ನಾಗರಿಕರ ವಸತಿ ಸಮುದಾಯವಾಗಿದೆ.
55 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗಾಗಿ ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಲಾದ 112 ಮನೆಗಳನ್ನು ಈ ಯೋಜನೆ ಒಳಗೊಂಡಿದ್ದು, ಮುಂದಿನ ಸುಮಾರು ಆರು ತಿಂಗಳೊಳಗೆ ಮನೆಗಳ ಹಸ್ತಾಂತರ ನಡೆಯುವ ನಿರೀಕ್ಷೆಯಿದೆ ಮತ್ತು ಇದು 300 ಕ್ಕೂ ಹೆಚ್ಚು ಹಿರಿಯ ನಾಗರಿಕ ನಿವಾಸಿಗಳ ಅಗತ್ಯತೆಗಳನ್ನು ಪೂರೈಸಲಿದೆ.
ಬೃಹತ್ ಗೋಪಾಲನ್ ಒಲಿಂಪಿಯಾ ಪರಿಸರ ವ್ಯವಸ್ಥೆಯೊಳಗೆ ನೆಲೆಗೊಂಡಿರುವ ಈ ಹಿರಿಯ ನಾಗರಿಕರ ವಸತಿ ಸಮುದಾಯವು ಟೌನ್ ಶಿಪ್ ನ ಎಫ್-ಬ್ಲಾಕ್ ಅನ್ನು ಆವರಿಸಿಕೊಂಡಿದೆ ಮತ್ತು ಇದು ಪ್ರತಿ ಮಹಡಿಯಲ್ಲಿ ಎಂಟು ಮನೆಗಳನ್ನು ಹೊಂದಿರುವ ಜಿ+13 ಕಟ್ಟಡ ರಚನೆಯನ್ನು ಒಳಗೊಂಡಿದೆ. ಈ ಯೋಜನೆಯು 980 ಚದರ ಅಡಿಯಿಂದ 1,030 ಚದರ ಅಡಿವರೆಗಿನ ನಾಲ್ಕು ವಿಭಿನ್ನ ವಿನ್ಯಾಸಗಳಲ್ಲಿ 112 ಹಿರಿಯ ನಾಗರಿಕ ಸ್ನೇಹಿ 2 ಬಿ ಎಚ್ ಕೆ ಮನೆಗಳನ್ನು ಒದಗಿಸುತ್ತಿದ್ದು, ಇವುಗಳ ಆರಂಭಿಕ ಬೆಲೆ ₹98 ಲಕ್ಷದಿಂದ ಆರಂಭವಾಗುತ್ತದೆ.
ಇಲ್ಲಿನ ನಿವಾಸಿಗಳು 70,000 ಚದರ ಅಡಿಯ ಬೃಹತ್ ಕ್ಲಬ್ ಹೌಸ್ ಮತ್ತು ವ್ಯಾಪಕ ಶ್ರೇಣಿಯ ಮನರಂಜನಾ ಸೌಲಭ್ಯಗಳನ್ನು ಒಳಗೊಂಡ ಸಮಗ್ರ ಜೀವನಶೈಲಿಯ ಪರಿಸರ ವ್ಯವಸ್ಥೆಯ ಪ್ರಯೋಜನವನ್ನು ಪಡೆಯಲಿದ್ದಾರೆ. ಇದರಲ್ಲಿ ಈಜುಕೊಳ, ಜಿಮ್ನಾಷಿಯಂ, ಹೊರಾಂಗಣ ಫಿಟ್ ನೆಸ್ ಪ್ರದೇಶಗಳು, ಯೋಗ ಹಾಲ್, ಗ್ರಂಥಾಲಯ (ಲೈಬ್ರರಿ), ಮಿನಿ ಥಿಯೇಟರ್, ಬಹುಉದ್ದೇಶಿತ ಸಭಾಂಗಣ (ಮಲ್ಟಿಪರ್ಪಸ್ ಹಾಲ್), ಆಲ್ಫ್ರೆಸ್ಕೊ ಡೈನಿಂಗ್ ಸ್ಪೇಸ್ ಗಳು, ಕ್ರಿಕೆಟ್ ಪ್ರ್ಯಾಕ್ಟೀಸ್ ಪಿಚ್, ಫುಟ್ ಬಾಲ್ ಮೈದಾನ, ಬೌಲಿಂಗ್ ಅಲಿ, ಟೆನಿಸ್ ಕೋರ್ಟ್, ಬ್ಯಾಡ್ಮಿಂಟನ್ ಕೋರ್ಟ್ ಮತ್ತು ಸ್ನೂಕರ್ ರೂಮ್ಗಳು ಸೇರಿವೆ.
ಈ ಯೋಜನೆಯು ಹಿರಿಯ ನಾಗರಿಕರಿಗಾಗಿಯೇ ಮೀಸಲಾದ ಪ್ರತ್ಯೇಕ ಕ್ಲಬ್ ಹೌಸ್, ಸೀನಿಯರ್ ಸಿಟಿಜನ್ಸ್ ಪ್ಲಾಜಾ, ಭೂದೃಶ್ಯ ವಿನ್ಯಾಸದ ಆಸನ ಪ್ರದೇಶಗಳು (ಲ್ಯಾಂಡ್ ಸ್ಕೇಪ್ಡ್ ಸೀಟಿಂಗ್), 24 ಗಂಟೆಗಳ ಭದ್ರತೆ ಮತ್ತು ಸಂಪೂರ್ಣ ಪವರ್ ಬ್ಯಾಕಪ್ ಸೌಲಭ್ಯಗಳನ್ನು ಸಹ ಒಳಗೊಂಡಿದೆ.
ಹಿರಿಯ ನಾಗರಿಕರ ಜೀವನಕ್ಕೆ ಅಗತ್ಯವಿರುವ ಸೇವಾ-ಆಧಾರಿತ ವಿಧಾನದ ಸುತ್ತ ನಿರ್ಮಿಸಲಾದ ಪ್ರೈಮಸ್ ಒಲಿಂಪಿಯಾ, ನಿವಾಸಿಗಳಿಗೆ 24/7 ವೈದ್ಯಕೀಯ ನೆರವು, ಕ್ಯಾಂಪಸ್ ನಲ್ಲಿಯೇ ನರ್ಸಿಂಗ್ ಮತ್ತು ಕ್ಲಿನಿಕ್ ಸೌಲಭ್ಯಗಳು, ಫಿಸಿಯೋಥೆರಪಿ ಸೇವೆಗಳು, ತುರ್ತು ಸಂದರ್ಭ ನಿರ್ವಹಣೆ, ಮುನ್ನೆಚ್ಚರಿಕೆಯ ಆರೋಗ್ಯ ಕಾರ್ಯಕ್ರಮಗಳು ಮತ್ತು ಆರೋಗ್ಯ ರಕ್ಷಣೆ ಪಾಲುದಾರರ ಮೂಲಕ ತಜ್ಞ ವೈದ್ಯರ ಸಮಾಲೋಚನೆ ಸೌಲಭ್ಯಗಳನ್ನು ಒದಗಿಸಲಿದೆ. ಹೆಚ್ಚುವರಿ ಬೆಂಬಲ ಸೇವೆಗಳಾಗಿ, ವೈಯಕ್ತಿಕ ಆಹಾರದ ಅಗತ್ಯತೆಗಳಿಗೆ ಅನುಗುಣವಾಗಿ ಪರಿಣಿತ ಶೆಫ್ಗಳಿಂದ ತಯಾರಿಸಲ್ಪಟ್ಟ ಪೌಷ್ಟಿಕ ಆಹಾರ, ಮನೆಗೆಲಸ (ಹೌಸ್ ಕೀಪಿಂಗ್), ಲಾಂಡ್ರಿ, ನಿರ್ವಹಣೆ ನೆರವು ಮತ್ತು ದೈನಂದಿನ ಜೀವನವನ್ನು ಸುಲಭಗೊಳಿಸಲು ವಿನ್ಯಾಸಗೊಳಿಸಲಾದ ಕನ್ಸಿಯರ್ಜ್ ಸೇವೆಗಳು ಇಲ್ಲಿ ಲಭ್ಯವಿರಲಿವೆ.
ಈ ಕುರಿತು ಪ್ರೈಮಸ್ ಸೀನಿಯರ್ ಲಿವಿಂಗ್ ನ ಸಂಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಆದರ್ಶ್ ನರಹರಿ ಅವರು, “ಪ್ರೈಮಸ್ ಒಲಿಂಪಿಯಾದ ಪ್ರಾರಂಭವು ಭಾರತದಲ್ಲಿ ಹಿರಿಯ ವಯಸ್ಸಿನ ಜೀವನದ ಭವಿಷ್ಯದ ಬಗ್ಗೆ ಒಂದೇ ರೀತಿಯ ನಂಬಿಕೆಯನ್ನು ಹೊಂದಿರುವ ಎರಡು ಸಂಸ್ಥೆಗಳ ಒಕ್ಕೂಟವಾಗಿದೆ. ಪ್ರೈಮಸ್ ನಲ್ಲಿ, ಹಿರಿಯ ನಾಗರಿಕರ ವಾಸಸ್ಥಳಗಳು ನಗರಗಳ ಮೂಲೆಗಳಲ್ಲಿ ಇರಬಾರದು ಎಂದು ನಾವು ಯಾವಾಗಲೂ ನಂಬಿದ್ದೇವೆ. ಹಿರಿಯರು ಸಕ್ರಿಯವಾಗಿ, ಸ್ವತಂತ್ರವಾಗಿ ಬದುಕುವುದನ್ನು ಮುಂದುವರಿಸಲು ಪೂರಕವಾದ ಸೌಲಭ್ಯಗಳನ್ನು ಅವು ಹೊಂದಿರಬೇಕು.
ಗೋಪಾಲನ್ ಎಂಟರ್ ಪ್ರೈಸಸ್ ಜೊತೆಗಿನ ನಮ್ಮ ಪಾಲುದಾರಿಕೆಯು ಆ ದೃಷ್ಟಿಕೋನವನ್ನು ದೊಡ್ಡ ಪ್ರಮಾಣದಲ್ಲಿ ಸಾಕಾರಗೊಳಿಸಲು ನಮಗೆ ಅನುವು ಮಾಡಿಕೊಡುತ್ತದೆ. ಉತ್ತಮ ಗುಣಮಟ್ಟದ ಟೌನ್ ಶಿಪ್ ಗಳನ್ನು ನಿರ್ಮಿಸುವಲ್ಲಿ ಗೋಪಾಲನ್ ಅವರ ಪರಿಣತಿಯನ್ನು ಮತ್ತು ಹಿರಿಯ ನಾಗರಿಕರ ವಸತಿ ಸಮುದಾಯಗಳನ್ನು ನಿರ್ಮಿಸುವ ಹಾಗೂ ನಿರ್ವಹಿಸುವಲ್ಲಿ ಪ್ರೈಮಸ್ ನ ದಶಕದ ಅನುಭವವನ್ನು ಸಂಯೋಜಿಸುವ ಮೂಲಕ, ನಾವು ರಿಯಲ್ ಎಸ್ಟೇಟ್ ಗಿಂತ ಮೀರಿದ ಒಂದು ಮಾದರಿಯನ್ನು ರಚಿಸುತ್ತಿದ್ದೇವೆ. ಮೂಲಸೌಕರ್ಯ, ಸೇವೆಗಳು, ಸ್ವಾಸ್ಥ್ಯ ಮತ್ತು ಸಮುದಾಯಗಳು ಒಂದಾಗುವ ಪರಿಸರ ವ್ಯವಸ್ಥೆಯನ್ನು ನಾವು ನಿರ್ಮಿಸುತ್ತಿದ್ದೇವೆ. ಪ್ರೈಮಸ್ ಒಲಿಂಪಿಯಾ ಭಾರತದಲ್ಲಿ ಹಿರಿಯ ನಾಗರಿಕರ ಜೀವನಶೈಲಿಗೆ ಹೊಸ ಮೈಲಿಗಲ್ಲಾಗುವ ಮೊದಲ ಹೆಜ್ಜೆಯಾಗಿದೆ ಎಂದು ನಾವು ನಂಬುತ್ತೇವೆ” ಎಂದು ತಿಳಿಸಿದ್ದಾರೆ.
