ಭಾರತದ ಅತಿದೊಡ್ಡ ಕ್ಯಾಂಪಸ್ ಆಧಾರಿತ ಕೋ-ವರ್ಕಿಂಗ್ ಸಂಸ್ಥೆಬೀಹೈವ್ ವರ್ಕ್‌ಸ್ಪೇಸ್‌, ಇಂದು ಖ್ಯಾತ ನಟ, ಸೂಪರ್‌ಮಾಡೆಲ್, ಐರನ್‌ಮ್ಯಾನ್ ಫಿನಿಷರ್ ಹಾಗೂ ಭಾರತದ ಪ್ರಮುಖ ಫಿಟ್ನೆಸ್ ಐಕಾನ್‌ಗಳಲ್ಲಿ ಒಬ್ಬರಾದ ಮಿಲಿಂದ್ ಸೋಮನ್ ಅವರನ್ನು ತನ್ನ ಬ್ರ್ಯಾಂಡ್ ಅಂಬಾಸಿಡರ್ ಆಗಿ ನೇಮಕ ಮಾಡಿರುವುದಾಗಿ ಘೋಷಿಸಿದೆ. ಈ ಮೂಲಕ, ಕ್ಯಾಂಪಸ್ ಮಾದರಿಯ ಕೋ-ವರ್ಕಿಂಗ್ ಕ್ಷೇತ್ರದಲ್ಲಿ ಬ್ರ್ಯಾಂಡ್ ಅಂಬಾಸಿಡರ್ ಹೊಂದಿದ ವಿಶ್ವದ ಮೊದಲ ಸಂಸ್ಥೆಯಾಗಿ ಬೀಹೈವ್ ಗುರುತಿಸಿಕೊಂಡಿದೆ.
ಸಾಂಪ್ರದಾಯಿಕ ಕೋ-ವರ್ಕಿಂಗ್ ಸ್ಥಳಗಳಿಂದ ಭಿನ್ನವಾಗಿ, ಬೀಹೈವ್ ತನ್ನ ಕ್ಯಾಂಪಸ್ ಮಾದರಿಯಲ್ಲಿ ವಿಶಾಲ ಕೆಲಸದ ಸ್ಥಳಗಳನ್ನು ಕ್ರೀಡಾ ಮೂಲಸೌಕರ್ಯ, ವಿನೋದ ಸೌಲಭ್ಯಗಳು ಮತ್ತು ಸಮುದಾಯ ಆಧಾರಿತ ಪರಿಸರದೊಂದಿಗೆ ಒಂದೇ ಸೂರಿನಡಿ ಒದಗಿಸುತ್ತದೆ. ‘ಕೆಲಸ ಮತ್ತು ಜೀವನದ ನಡುವಿನ ಸಮತೋಲನ’ ತತ್ವದೊಂದಿಗೆ ಈ ವಿಶಿಷ್ಟ ಮಾದರಿ ರೂಪುಗೊಂಡಿದ್ದು, ಮಿಲಿಂದ್ ಸೋಮನ್ ಅವರ ಜೀವನಶೈಲಿಯೂ ಅದಕ್ಕೆ ಸಮರ್ಪಕ ಪ್ರತಿನಿಧಿಯಾಗಿದೆ. ನಗ್ನಪಾದದಲ್ಲಿ ನಗರಗಳನ್ನು ಓಡಿದವರು, 50ನೇ ವಯಸ್ಸಿನಲ್ಲಿ ಐರನ್‌ ಮ್ಯಾನ್ ಟ್ರಯಾಥ್ಲಾನ್ ಪೂರ್ಣಗೊಳಿಸಿದವರು ಹಾಗೂ ಶಿಸ್ತು ಮತ್ತು ಸಹನೆಯ ಪ್ರತೀಕವಾಗಿರುವ ಮಿಲಿಂದ್, ಬೀಹೈವ್ ಮೌಲ್ಯಗಳನ್ನು ಪ್ರತಿಬಿಂಬಿಸುತ್ತಾರೆ.
ಈ ಸಹಭಾಗಿತ್ವವು ಸಾಮಾನ್ಯ ಸೆಲೆಬ್ರಿಟಿ ಜಾಹೀರಾತು ಒಪ್ಪಂದವಲ್ಲ; ಬದಲಿಗೆ ಉತ್ಪಾದಕತೆ ಮಾತ್ರವಲ್ಲದೆ ಸಮತೋಲಿತ, ಸಕ್ರಿಯ ಮತ್ತು ಸಾಧನೆ ಆಧಾರಿತ ಜೀವನಶೈಲಿಯನ್ನು ಉತ್ತೇಜಿಸುವ ದೊಡ್ಡ ದೃಷ್ಟಿಯ ಭಾಗವಾಗಿದೆ. ಮಿಲಿಂದ್ ಸೋಮನ್ ಅವರ ಫಿಟ್ನೆಸ್ ಮತ್ತು ಎಂಡ್ಯೂರೆನ್ಸ್ ತತ್ವಗಳು ಬೀಹೈವ್ ನ ಫಿಟ್ನೆಸ್ ಚಾಲಿತ ಪರಿಸರದೊಂದಿಗೆ ಸಂಪೂರ್ಣ ಹೊಂದಾಣಿಕೆಯಾಗಿವೆ.
ಈ ಬಗ್ಗೆ ಮಾತನಾಡಿದ ಶೇಷ್ ರಾವ್ ಪಾಪ್ಲಿಕರ್, ಸ್ಥಾಪಕ ಮತ್ತು ಸಿಇಓ, ಬೀಹೈವ್ ವರ್ಕ್‌ಸ್ಪೇಸ್‌ ಅವರು,
“ಬೀಹೈವ್ ನಡೆಸುವುದು ಕೇವಲ ವ್ಯವಹಾರವಲ್ಲ; ಜನರ ಜೀವನದಲ್ಲಿ ನಿಜವಾದ ಪ್ರಭಾವ ಬೀರುವ ಅವಕಾಶವಾಗಿದೆ. ಕೆಲಸದ ಸ್ಥಳದಲ್ಲಿ ಜನರು ಹೇಗೆ ಬದುಕುತ್ತಿದ್ದಾರೆ, ಅನುಭವಿಸುತ್ತಿದ್ದಾರೆ ಮತ್ತು ಪ್ರತಿದಿನ ಹೇಗೆ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂಬುದಕ್ಕೆ ಬೆಂಬಲ ನೀಡಬೇಕು ಎಂಬುದು ನಮ್ಮ ನಂಬಿಕೆ.
ಈ ದೃಷ್ಟಿಗೆ ಯಾರು ಸೂಕ್ತ ಪ್ರತಿನಿಧಿಯಾಗಬಹುದು ಎಂದು ಯೋಚಿಸಿದಾಗ, ಒಂದೇ ಹೆಸರು ಮನಸ್ಸಿಗೆ ಬಂತು — ಮಿಲಿಂದ್ ಸೋಮನ್. ಭಾರತದಲ್ಲಿ ಸಹಿಷ್ಣುತೆ ಕ್ರೀಡೆಗಳು ಪ್ರಸಿದ್ಧಿಯಾಗುವ ಮೊದಲೇ ಐರನ್‌ ಮ್ಯಾನ್ ಅನ್ನು ಪರಿಚಯಿಸಿದ ವ್ಯಕ್ತಿಗಳಲ್ಲಿ ಅವರು ಒಬ್ಬರು. ಆ ಮುಂಚೂಣಿ ಮನೋಭಾವವೇ ಬೀಹೈವ್ ನ ಮೂಲ ಮೌಲ್ಯ. ನಾನು ಕಳೆದ ವರ್ಷ ಐರನ್‌ ಮ್ಯಾನ್ 70.3 ಗೋವಾ ಪೂರ್ಣಗೊಳಿಸಿದ್ದೇನೆ ಮತ್ತು ಈ ವರ್ಷ ಇನ್ನಷ್ಟು ಬೀಹೈವ್ ಸದಸ್ಯರೊಂದಿಗೆ ಮತ್ತೆ ಭಾಗವಹಿಸಲು ಸಿದ್ಧನಾಗಿದ್ದೇನೆ. ಮಿಲಿಂದ್ ಈಗ ಬೀಹೈವ್ ಕುಟುಂಬದ ಭಾಗವಾಗಿರುವುದರಿಂದ ಈ ಚಳುವಳಿ ಇನ್ನಷ್ಟು ವಿಸ್ತರಿಸುತ್ತದೆ,” ಎಂದು ಹೇಳಿದರು.
ಬೀಹೈವ್ಕ್ಯಾಂಪಸ್‌ಗಳಲ್ಲಿ ಈಗಾಗಲೇ ಓಟ ಮತ್ತು ಸಹಿಷ್ಣುತೆ ಗುಂಪುಗಳು, ಪಿಕಲ್‌ಬಾಲ್ಕೋರ್ಟ್‌ಗಳು, ಕ್ರಿಕೆಟ್ ಮತ್ತು ಫುಟ್‌ಬಾಲ್ಟರ್ಫ್‌ಗಳು ಸೇರಿದಂತೆ ‘ಬೀಹೈವ್ಪ್ರೀಮಿಯರ್ ಲೀಗ್ (ಬಿಪಿಎಲ್)’ ಮುಂತಾದ ದೊಡ್ಡ ಆಟಗಳುನಡೆಯುತ್ತಿವೆ. 2026 ರಲ್ಲಿ ನಡೆಯುವ ಐರನ್‌ ಮ್ಯಾನ್ 70.3 ಗೋವಾಸ್ಪರ್ಧೆಯಲ್ಲಿ 50ಕ್ಕೂ ಹೆಚ್ಚು ಬೀಹೈವ್ ಸದಸ್ಯರನ್ನು ಭಾಗವಹಿಸಲು ಪ್ರೇರೇಪಿಸುವ ಮಹತ್ವಾಕಾಂಕ್ಷಿ ಗುರಿಯನ್ನು ಸಂಸ್ಥೆ ಹೊಂದಿದೆ.
ಈ ನೇಮಕಾತಿಗೆ ವೈಯಕ್ತಿಕ ಅಂಶವೂ ಇದೆ. ಬೀಹೈವ್ ನ ಸ್ಥಾಪಕ ಮತ್ತು ಸಿಇಓ ಶೇಷ್ ರಾವ್ ಪಾಪ್ಲಿಕರ್ ಅವರೂ ಐರನ್‌ ಮ್ಯಾನ್ 70.3 ಗೋವಾ ಪೂರ್ಣಗೊಳಿಸಿದ್ದು, ಸಂಸ್ಥೆಯ ಸ್ಥಾಪಕ ಮತ್ತು ಬ್ರ್ಯಾಂಡ್ ಅಂಬಾಸಿಡರ್ ಇಬ್ಬರೂ ಒಂದೇ ಕ್ರೀಡಾ ಸಾಧನೆಯನ್ನು ಹೊಂದಿರುವ ಅಪರೂಪದ ಉದಾಹರಣೆಯಾಗಿದೆ.
ಈ ಕುರಿತು ಮಾತನಾಡಿದ ಮಿಲಿಂದ್ ಸೋಮನ್,“ಶೇಷ್ ಮತ್ತು ಬೀಹೈವ್ ತಂಡದೊಂದಿಗೆ ನನ್ನ ಮೊದಲ ಸಂವಾದವೇ ನನ್ನ ಮೇಲೆ ಗಾಢವಾದ ಪ್ರಭಾವ ಬೀರಿತು. ಅವರ ಫಿಟ್ನೆಸ್ ಮತ್ತು ಆರೋಗ್ಯದ ಬದ್ಧತೆ ನನ್ನ ಮೌಲ್ಯಗಳೊಂದಿಗೆ ಸಂಪೂರ್ಣ ಹೊಂದಿಕೊಳ್ಳುತ್ತದೆ. ಬೀಹೈವ್ ಕೇವಲ ಫಿಟ್ನೆಸ್ ಬಗ್ಗೆ ಮಾತನಾಡುವುದಿಲ್ಲ; ಅವರು ಅದನ್ನು ಕೆಲಸದ ಮೂಲಸೌಕರ್ಯದಲ್ಲೇ ಅಳವಡಿಸಿದ್ದಾರೆ. ಕ್ಯಾಂಪಸ್ ಒಳಗೆ ಓಟದಗುಂಪುಗಳು, ಕ್ರೀಡಾ ಸೌಲಭ್ಯಗಳು — ಇದು ಕೆಲಸದ ಸ್ಥಳದ ಬಗ್ಗೆ ಸಂಪೂರ್ಣ ಹೊಸ ಆಲೋಚನೆ. ವಿಭಿನ್ನವಾಗಿ ಯೋಚಿಸುವ ಈ ಬ್ರ್ಯಾಂಡ್‌ನೊಂದಿಗೆ ಸೇರಿರುವುದು ನನಗೆ ಹೆಮ್ಮೆಯ ಸಂಗತಿ,” ಎಂದು ಹೇಳಿದರು.
ಜಾಗತಿಕ ಮಟ್ಟದಲ್ಲಿ ಹೈಬ್ರಿಡ್ ಕೆಲಸ, ಕ್ಷೇಮ ಮತ್ತು ಅನುಭವ ಆಧಾರಿತ ಕಾರ್ಯಪದ್ಧತಿಗಳತ್ತ ವೇಗವಾಗಿ ಬದಲಾವಣೆಯಾಗುತ್ತಿರುವ ಸಂದರ್ಭದಲ್ಲಿ, ವಿಶೇಷವಾಗಿ ಜಾಗತಿಕ ಸಾಮರ್ಥ್ಯ ಕೇಂದ್ರ ಮತ್ತು ವೇಗವಾಗಿ ಬೆಳೆಯುತ್ತಿರುವ ಸಂಸ್ಥೆಗಳ ನಡುವೆ, ಬೀಹೈವ್ ನ ಕ್ಯಾಂಪಸ್ ಮಾದರಿ ಈ ಬೇಡಿಕೆಯನ್ನು ಪೂರೈಸುವಂತೆ ವಿನ್ಯಾಸಗೊಳಿಸಲಾಗಿದೆ. ಮಿಲಿಂದ್ ಸೋಮನ್ ಜೊತೆಗಿನ ಸಹಭಾಗಿತ್ವವು ಬೀಹೈವ್ ಅನ್ನು ಕೇವಲ ಕೋ-ವರ್ಕಿಂಗ್ ಸಂಸ್ಥೆಯಿಂದ ಫಿಟ್ನೆಸ್ ಮತ್ತು ಸಕ್ರಿಯ ಜೀವನಶೈಲಿಯ ವೇದಿಕೆಯಾಗಿ ರೂಪಿಸುತ್ತಿದೆ.
