ಮುಂಬೈ ಇಂಡಿಯನ್ಸ್ ತಂಡದ ನಾಯಕ ಹಾರ್ದಿಕ್ ಪಾಂಡ್ಯ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ 5 ವಿಕೆಟ್ ಪಡೆದು ಐಪಿಎಲ್ ಇತಿಹಾಸದಲ್ಲೇ ಮೊದಲ ಬಾರಿ 5 ವಿಕೆಟ್ ಪಡೆದ ಮೊದಲ ನಾಯಕ ಎಂಬ ದಾಖಲೆ ಬರೆದಿದ್ದಾರೆ.
ಲಕ್ನೋದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ 5 ವಿಕೆಟ್ ಪಡೆದು 16 ವರ್ಷಗಳ ಹಿಂದೆ ಕರ್ನಾಟಕ ಅನಿಲ್ ಕುಂಬ್ಳೆ ದಾಖಲೆಯನ್ನು ಮುರಿದಿದ್ದಾರೆ.
ಹಾರ್ದಿಕ್ ಪಾಂಡ್ಯ ಲಕ್ನೋ ವಿರುದ್ಧ ಬೌಲಿಂಗ್ ನಲ್ಲಿ 4 ಓವರ್ ದಾಳಿಯಲ್ಲಿ 36 ರನ್ ನೀಡಿ 4 ವಿಕೆಟ್ (4-0-36-5 ) ಪಡೆದರು. ಇದಕ್ಕೂ ಮುನ್ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕನಾಗಿ ಅನಿಲ್ ಕುಂಬ್ಳೆ 2019ರಲ್ಲಿ ಡೆಕ್ಕನ್ ಚಾರ್ಜರ್ಸ್ ವಿರುದ್ಧ ದಕ್ಷಿಣ ಆಫ್ರಿಕಾದ ಜೊಹಾನ್ಸ್ ಬರ್ಗ್ ಮೈದಾನದಲ್ಲಿ 4 ಓವರ್ ಎಸೆದು 16 ರನ್ ನೀಡಿ 4 ವಿಕೆಟ್ ಪಡೆದಿದ್ದರು.
ಇದಕ್ಕೂ ಮುನ್ನ ಕುಂಬ್ಳೆ 2010ರ ಐಪಿಎಲ್ ನಲ್ಲಿ ನವೀ ಮುಂಬೈ ಮೈದಾನದಲ್ಲಿ ಇದೇ ಡೆಕ್ಕನ್ ಚಾರ್ಜರ್ಸ್ ವಿರುದ್ಧ 3.3-0-14-4 ಸಾಧನೆ ಮಾಡಿದ್ದರು. ಈ ಎರಡೂ ದಾಖಲೆಗಳನ್ನು ಯಾವುದೇ ಐಪಿಎಲ್ ತಂಡದ ನಾಯಕ ಮಾಡಿರಲಿಲ್ಲ. ಇದೀಗ 16 ವರ್ಷಗಳ ನಂತರ ಹಾರ್ದಿಕ್ ಪಾಂಡ್ಯ ಮುರಿದಿದ್ದಾರೆ.
ಇದಕ್ಕೂ ಮುನ್ನ ನಾಯಕರಾಗಿ ಶೇನ್ ವಾರ್ನ್ ಮತ್ತು ಯುವರಾಜ್ ಸಿಂಗ್ 4 ವಿಕೆಟ್ ಪಡೆದ ಸಾಧನೆ ಮಾಡಿದ್ದರು. ಇದಕ್ಕೂ ಮುನ್ನ ಹಾರ್ದಿಕ್ ಪಾಂಡ್ಯ 4-0-31-3 ಶ್ರೇಷ್ಠ ಸಾಧನೆ ಮಾಡಿದ್ದರು.
