ನವದೆಹಲಿ: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹೊಸ ತೆರಿಗೆ ನೀತಿಯು ವೀಸಾ ಶುಲ್ಕಗಳಲ್ಲಿ ಭಾರೀ ಏರಿಕೆಯ ಪ್ರಸ್ತಾಪ ಹೊಂದಿದೆ.
ಜುಲೈ 4 ರಂದು ಸಹಿ ಹಾಕಿದ ‘ಬಿಗ್ ಬ್ಯೂಟಿಫುಲ್ ಬಿಲ್’ ಅಡಿಯಲ್ಲಿ, ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಲಸೆಯೇತರ ವೀಸಾ ವಿಭಾಗಗಳಿಗೆ 250 ಡಾಲರ್ ಹೊಸ ಶುಲ್ಕವನ್ನು ಪರಿಚಯಿಸಿದ್ದಾರೆ.
ಪ್ರವಾಸೋದ್ಯಮ, ಅಧ್ಯಯನ ಅಥವಾ ಕೆಲಸಕ್ಕಾಗಿ ಯುಎಸ್ಗೆ ಭೇಟಿ ನೀಡಲು ಯೋಜಿಸುತ್ತಿರುವ ಭಾರತೀಯ ಅರ್ಜಿದಾರರು 2026 ರಿಂದ ಗಮನಾರ್ಹವಾಗಿ ಹೆಚ್ಚಿನ ವೀಸಾ ವೆಚ್ಚವನ್ನು ತೆರಬೇಕಾಗುತ್ತದೆ.
16,0000 ರೂ.ಗಿಂತ ಕಡಿಮೆ ವೆಚ್ಚವಾಗುತ್ತಿದ್ದ ಸಾಮಾನ್ಯ ಪ್ರವಾಸಿ ವೀಸಾ ಈಗ 40,000 ರೂ.ಗಿಂತ ಹೆಚ್ಚು ವೆಚ್ಚವಾಗಲಿದೆ.
ಯುಎಸ್ ವೀಸಾ ಸಮಗ್ರತೆ ಶುಲ್ಕ ಎಷ್ಟು?
ಯುಎಸ್ ವೀಸಾ ಸಮಗ್ರತೆ ಶುಲ್ಕವು ಅಸ್ತಿತ್ವದಲ್ಲಿರುವ ವೀಸಾ ವೆಚ್ಚಗಳಿಗೆ ಸೇರಿಸಲಾದ ಹೊಸ 250 (ರೂ. 21,400) ಮರುಪಾವತಿಸಲಾಗದ ಸರ್ಚಾರ್ಜ್ ಆಗಿದೆ. ಹೊಸ ಶುಲ್ಕ ನೀತಿಯು 2026ರಿಂದ ಜಾರಿಗೆ ಬರಲಿದ್ದ, ವೀಸಾ ನೀಡುವ ಸಮಯದಲ್ಲಿ ಕಡ್ಡಾಯವಾಗಿ ಪಾವತಿ ಮಾಡಬೇಕಾಗುತ್ತದೆ. ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ) ದಿಂದ ಅಳೆಯಲಾಗುವ ಹಣದುಬ್ಬರದ ಆಧಾರದ ಮೇಲೆ ಶುಲ್ಕವನ್ನು ವಾರ್ಷಿಕವಾಗಿ ಸರಿಹೊಂದಿಸಲಾಗುತ್ತದೆ.
ಈ ಶುಲ್ಕವನ್ನು ಯಾರು ಪಾವತಿಸಬೇಕು?
ಬಿ-1/ಬಿ-2 (ಪ್ರವಾಸಿ ಮತ್ತು ವ್ಯಾಪಾರ ವೀಸಾಗಳು), ಎಫ್ ಮತ್ತು ಎಂ (ವಿದ್ಯಾರ್ಥಿ ವೀಸಾಗಳು), ಎಚ್-1 ಬಿ (ಕೆಲಸದ ವೀಸಾಗಳು) ಮತ್ತು ಜೆ (ವಿನಿಮಯ ಸಂದರ್ಶಕ ವೀಸಾಗಳು) ಸೇರಿದಂತೆ ಹೆಚ್ಚಿನ ವಲಸೆಯೇತರ ವೀಸಾಗಳಿಗೆ ಈ ಶುಲ್ಕ ಅನ್ವಯಿಸುತ್ತದೆ. ಎ ಮತ್ತು ಜಿ ವರ್ಗಗಳಲ್ಲಿ ರಾಜತಾಂತ್ರಿಕ ವೀಸಾ ಹೊಂದಿರುವವರಿಗೆ ಮಾತ್ರ ವಿನಾಯಿತಿ ನೀಡಲಾಗಿದೆ.
ಈಗ ಅದರ ಬೆಲೆ ಎಷ್ಟು?
ಪ್ರಸ್ತುತ, ಯುಎಸ್ ಬಿ-1/ಬಿ-2 ವೀಸಾದ ಬೆಲೆ 185 ಡಾಲರ್, ಅಂದರೆ 15,800 ರೂ.ಗಳಾಗಿದೆ.
ವೀಸಾ ಸಮಗ್ರತೆ ಶುಲ್ಕವನ್ನು ಸೇರಿಸುವುದರೊಂದಿಗೆ, ಐ-94 ಶುಲ್ಕ (24) ಮತ್ತು ಇಎಸ್ಟಿಎ ಶುಲ್ಕ (13) ನಂತಹ ಇತರ ಸಣ್ಣ ಶುಲ್ಕಗಳೊಂದಿಗೆ, ಒಟ್ಟು ವೆಚ್ಚವು ಸುಮಾರು 472 ಅಥವಾ 40,502 ರೂ.ಗೆ ಏರುತ್ತದೆ.
ಇದು ಪ್ರಸ್ತುತ ವೀಸಾ ವೆಚ್ಚಕ್ಕಿಂತ 2.5 ಪಟ್ಟು ಹೆಚ್ಚಾಗಿದೆ. ಎಫ್ ಅಥವಾ ಎಚ್-1 ಬಿ ವೀಸಾಗಳಿಗೆ ಅರ್ಜಿ ಸಲ್ಲಿಸುವ ವಿದ್ಯಾರ್ಥಿಗಳು ಅಥವಾ ಉದ್ಯೋಗಿಗಳಿಗೆ, ವೆಚ್ಚಗಳು ತೀವ್ರ ಏರಿಕೆ ಕಾಣುತ್ತವೆ.
