ಚೀನಾ ಹೊರತುಪಡಿಸಿ ಉಳಿದ ಎಲ್ಲಾ ದೇಶಗಳ ವಿರುದ್ಧ ಹೊರಡಿಸಿದ್ದ ದುಪ್ಪಟ್ಟು ತೆರಿಗೆ ಆದೇಶಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ 90 ದಿನಗಳ ತಡೆ ನೀಡಿದ್ದಾರೆ. ಇದರಿಂದ ಸುಂಕ ಸಮರದಿಂದ ತತ್ತರಿಸಿದ್ದ ದೇಶಗಳು ನಿಟ್ಟುಸಿರುಬಿಡುವಂತಾಗಿದೆ.
ಬುಧವಾರ ದಿಢೀರನೆ ಚೀನಾ ಹೊರತುಪಡಿಸಿ ಉಳಿದೆಲ್ಲಾ ದೇಶಗಳ ಮೇಲೆ ಹೇರಿದ್ದ ತೆರಿಗೆಯನ್ನು 90 ದಿನಗಳ ಕಾಲ ಜಾರಿ ಮಾಡದೇ ಇರುವುದಾಗಿ ಘೋಷಿಸಿದ್ದಾರೆ. ಇದರಿಂದ ವಿವಿಧ ದೇಶಗಳಿಂದ ಆಮದು ಮಾಡಿಕೊಳ್ಳಲಾಗುತ್ತಿದ್ದ ವಸ್ತುಗಳ ಮೇಲೆ ಈ ಹಿಂದಿನಂತೆ ಸುಂಕ ವಿಧಿಸಲಾಗುತ್ತದೆ.
ಅಮೆರಿಕ ಶೇ.34ರಷ್ಟು ವಿಧಿಸಿದ್ದ ತೆರಿಗೆಯನ್ನು ಶೇ.104ಕ್ಕೆ ಏರಿಕೆ ಮಾಡಿತ್ತು. ಇದರಿಂದ ಚೀನಾ ಅಮೆರಿಕ ವಿರುದ್ಧ ಶೇ.84ರಷ್ಟು ತೆರಿಗೆ ವಿಧಿಸಿತ್ತು. ಮೂಲಗಳ ಪ್ರಕಾರ ಚೀನಾ ಶೇ.125ರಷ್ಟು ತೆರಿಗೆ ವಿಧಿಸಲು ಮುಂದಾಗಿತ್ತು ಎನ್ನಲಾಗಿದೆ.
