ಟೋಕಿಯೊ: ಗುಂಪು ಹೊಂದಾಣಿಕೆ ಅಗತ್ಯವಿಲ್ಲ, ಸೋಂಕಿನ ಯಾವುದೇ ಅಪಾಯವಿಲ್ಲ, ತಿಂಗಳುಗಟ್ಟಲೆ ಇಟ್ಟರೂ ಕೆಡುವುದಿಲ್ಲ. ಅಂತಹ ಕೃತಕ ರಕ್ತವನ್ನು ಜಪಾನ್ನ ಸಂಶೋಧಕರು ಕೃತಕ ರಕ್ತವನ್ನು ಅಭಿವೃದ್ಧಿಪಡಿಸಿದ್ದಾರೆ.
ಇದು ಜಾಗತಿಕವಾಗಿ ರಕ್ತದ ಕೊರತೆಯನ್ನು ಕೊನೆಗೊಳಿಸುವ ಮತ್ತು ತುರ್ತು ಪರಿಸ್ಥಿತಿಗಳನ್ನು, ವಿಶೇಷವಾಗಿ ಸಾಮೂಹಿಕ ಸಾವುನೋವುಗಳು ಮತ್ತು ಗ್ರಾಮೀಣ ಶಸ್ತçಚಿಕಿತ್ಸೆಗಳ ಸಂದರ್ಭಗಳಲ್ಲಿ ಅಪಾರವಶಗಿ ನೆರವಿಗೆ ಬರಲಿದೆ.
ಈ ಆವಿಷ್ಕಾರವು ನಾರಾ ವೈದ್ಯಕೀಯ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಹಿರೋಮಿ ಸಕೈ ಮತ್ತು ಅವರ ತಂಡದಿAದ ಬಂದಿದೆ. ಅವರು ಸ್ಥಿರವಾದ, ವೈರಸ್-ಮುಕ್ತ ಕೃತಕ ಕೆಂಪು ರಕ್ತ ಕಣಗಳನ್ನು ಸಂಶೋಧನೆ ಮಾಡಿದ್ದಾರೆ.
ಈಗ ಅವು ಕ್ಲಿನಿಕಲ್ ಪ್ರಯೋಗಗಳಿಗೆ ಒಳಗಾಗುತ್ತಿವೆ. ಎಲ್ಲವೂ ಯೋಜನೆಯ ಪ್ರಕಾರ ನಡೆದರೆ, ಈ ಪ್ರಗತಿಯು 2030ರ ವೇಳೆಗೆ ಜನಬಳಕೆಗೆ ಸಿದ್ಧವಾಗಬಹುದು.
ಇತ್ತೀಚಿನ ಲ್ಯಾನ್ಸೆಟ್ ವರದಿಯ ಪ್ರಕಾರ, ಭಾರತವು ವಿಶ್ವದ ಅತಿ ಹೆಚ್ಚು ರಕ್ತದ ಕೊರತೆಯನ್ನು ಹೊಂದಿರುವ ದೇಶಗಳಲ್ಲಿ ಒಂದಾಗಿದೆ. ಅರಿವಿನ ಕೊರತೆ, ಕಳಪೆ ಮೂಲಸೌಕರ್ಯ ಮತ್ತು ದಾನಿಗಳ ದೀರ್ಘಕಾಲದ ಕೊರತೆಯು ಬಿಕ್ಕಟ್ಟನ್ನು ಇನ್ನಷ್ಟು ಹದಗೆಡಿಸಿದೆ. ಆದ್ದರಿಂದ, ಅಂತಹ ಸನ್ನಿವೇಶದಲ್ಲಿ ರಕ್ತ ಬದಲಿ ಕಲ್ಪನೆಯು ಜೀವನವನ್ನು ಬದಲಾಯಿಸಬಹುದು.
ಕೃತಕ ರಕ್ತ ಎಂದರೇನು?
ಕೃತಕ ರಕ್ತವು ಮಾನವ ರಕ್ತದ ಪೂರ್ಣ ಪ್ರತಿಕೃತಿಯಲ್ಲ ಏಕೆಂದರೆ ಇದರಲ್ಲಿ ಬಿಳಿ ರಕ್ತ ಕಣಗಳು ಅಥವಾ ಪ್ಲೇಟ್ಲೆಟ್ಗಳು ಇರುವುದಿಲ್ಲ. ಆದರೆ ತುರ್ತು ಪರಿಸ್ಥಿತಿಯಲ್ಲಿ ಅತ್ಯಂತ ಮುಖ್ಯವಾದ ಕಾರ್ಯವನ್ನು, ಅಂದರೆ ಆಮ್ಲಜನಕವನ್ನು ಇದು ಸಾಗಿಸುತ್ತದೆ.
ಈ ಪ್ರಯೋಗಾಲಯ-ನಿರ್ಮಿತ ರಕ್ತ ಕಣಗಳು ನಿಜವಾದವುಗಳನ್ನು ಅನುಕರಿಸುತ್ತವೆ, ಕೋಣೆಯ ಉಷ್ಣಾಂಶದಲ್ಲಿ ಸ್ಥಿರವಾಗಿರುತ್ತವೆ ಮತ್ತು ಅವಧಿ ಮೀರಿದ ದಾನ ಮಾಡಿದ ರಕ್ತವನ್ನು ಬಳಸಿ ತಯಾರಿಸಲಾಗುತ್ತದೆ.
“ರಕ್ತ ವರ್ಗಾವಣೆಯಿಂದ ಚಿಕಿತ್ಸೆ ನೀಡಲಾಗದ ರೋಗಗಳು ಮತ್ತು ಶಸ್ತçಚಿಕಿತ್ಸಾ ವಿಧಾನಗಳಿಗೆ ಮತ್ತು ಪೂರೈಸದ ವೈದ್ಯಕೀಯ ಅಗತ್ಯಗಳಿಗೆ ಅವು ಪ್ರತಿಕ್ರಿಯಿಸುತ್ತವೆ ಎಂದು ನಿರೀಕ್ಷಿಸಲಾಗಿದೆ” ಎಂದು ಸಕೈ ಅವರ ಪ್ರಯೋಗಾಲಯದ ವೆಬ್ಸೈಟ್ ಹೇಳುತ್ತದೆ.
ಶುದ್ಧೀಕರಿಸಿದ ಹಿಮೋಗ್ಲೋಬಿನ್ ಅನ್ನು ತೆಳುವಾದ ಲಿಪಿಡ್-ಆಧಾರಿತ ರಚನೆಗಳಲ್ಲಿ ಇರಿಸಿ, ಹಿಮೋಗ್ಲೋಬಿನ್ ಕೋಶಕಗಳನ್ನು ರೂಪಿಸುವ ಮೂಲಕ ಕೃತಕ ಕೆಂಪು ರಕ್ತ ಕಣಗಳನ್ನು ಅಭಿವೃದ್ಧಿಪಡಿಸಲಾಗಿದೆ.
ಈ ಕೋಶಕಗಳು ಕೇವಲ 250 ನ್ಯಾನೊಮೀಟರ್ ಅಗಲವಿದೆ ಅಂದರೆ ನೈಸರ್ಗಿಕ ಕೆಂಪು ರಕ್ತ ಕಣಗಳಂತೆ ಕ್ಯಾಪಿಲ್ಲರಿಗಳ ಮೂಲಕ ಹರಿಯುವಷ್ಟು ಚಿಕ್ಕದಾಗಿದೆ. ರಕ್ತದ ಕೆಂಪು ಬಣ್ಣಕ್ಕಿಂತ ಭಿನ್ನವಾಗಿ, ಈ ಕೃತಕ ಕೋಶಗಳು ನೇರಳೆ ಬಣ್ಣವನ್ನು ಹೊಂದಿರುತ್ತವೆ ಏಕೆಂದರೆ ಅವು ಬಳಸುವವರೆಗೂ ಆಕ್ಸಿಡೀಕರಣಗೊಳ್ಳುವುದಿಲ್ಲ.
ಎಚ್ಬಿವಿಗಳು ರಕ್ತದ ಪ್ರಕಾರವನ್ನು ಹೊಂದಿರುವುದಿಲ್ಲ ಮತ್ತು ಸೋಂಕಿನ ಅಪಾಯವನ್ನು ಹೊಂದಿರುವುದಿಲ್ಲ. ಅವುಗಳನ್ನು ಅವಧಿ ಮೀರಿದ ಕೆಂಪು ರಕ್ತ ಕಣಗಳಿಂದ ಅಥವಾ ಪ್ರಾಣಿ ಅಥವಾ ಪ್ರಯೋಗಾಲಯದಿಂದ ಪಡೆದ ಹಿಮೋಗ್ಲೋಬಿನ್ನಿಂದ ತಯಾರಿಸಲಾಗುತ್ತದೆ.
ಮೂಲಭೂತವಾಗಿ, ಇದು ಶುದ್ಧೀಕರಿಸಿದ, ಶೆಲ್ಫ್-ಸ್ಥಿರ ಆಮ್ಲಜನಕ ವಿತರಣಾ ವ್ಯವಸ್ಥೆಯಾಗಿದೆ. ಇದರಲ್ಲಿ ರಕ್ತ ವರ್ಗಾವಣೆಯ ಯಾವುದೇ ತೊಡಕುಗಳಿಲ್ಲ. ಈ ಪ್ರಯೋಗಾಲಯ ನಿರ್ಮಿತ ಜೀವಕೋಶಗಳು ಬಿಳಿ ರಕ್ತ ಕಣಗಳು ಅಥವಾ ಪ್ಲೇಟ್ಲೆಟ್ಗಳನ್ನು ಹೊಂದಿರದ ಕಾರಣ ಇವು ಮಾನವ ರಕ್ತದ ಪೂರ್ಣ ಪ್ರತಿಕೃತಿಯಲ್ಲ. ಆದರೆ ಅವು ತುರ್ತು ಪರಿಸ್ಥಿತಿಯಲ್ಲಿ ಅತ್ಯಂತ ಮುಖ್ಯವಾದ ಕೆಲಸವನ್ನು ಮಾಡುತ್ತವೆ.
